IBRANI 12:3 - Bahasa Manggarai New Testament

³ Damang dé nuk, co’o kétay mendon susa de Mori Yésus te dungkang sanggéd ata ndékok ata lawang Hia, kudut méu kolé néka merik nais agu néka cubam.

IBRANI 12:3 ပူးပေါင်းရင်းမြစ်များ

MATÉUS 11:19

Poli hitu woko cai Anak Manusia, Hia hangy agu inungy, mai taé disé: Lélo damang, Hia ata gomeng agu ata langu, asé-ka’é data tegi béa, agu ata ndékok. Maik le nai ngalis de Mori Keraéng, helek de cengata lélo oné mai pandén.”

MATÉUS 12:24

Landing woko dengé lata Parisi, mai taé disé: “Ai li Béélzébul tu’a de jing da’at, tara ngancéng mbérd Liha jing da’at.”

MATÉUS 15:2

“Co’o ata nungku Dité tara lagé adak de empo ditéd? Isé toé samo liméd du turung hang.”

MATÉUS 21:23

Itu kali ngon Mori Yésus oné Mbaru de Mori Keraéng agu rémé di’an toing nitun Hia, mais imam-imam kepala agu tu’a-tu’a de uku Yahudi oné Hia, mai taéd: “Le kuasa diong tara pandéd Lité paté situ? Agu céing hitut téing kuasa hitu oné Ité?”

MATÉUS 21:46

Itu isé lémét te deko Hias, maik isé rantang ata do, ai rékéng data do situ, Hia Nabiy.

MATÉUS 22:15

Poli hitu ngos ata Parisi; jangka disé, co’o moléy lisé ngancéng seréntén Mori Yésus le can réi.

LUKAS 14:1

Manga oné ca leso Sabat, Mori Yésus ngo oné mbaru de cengata tu’a disét Parisi te hang nituy. Sanggéd taung isét mangan, lémét kéta Hias.

LUKAS 15:2

Itug kali nggerengga’utd ata Parisi agu ata pecing Taurat, mai taéd: “Hia tiba ata ndékoky, agu hang cama agu iséy.”

LUKAS 16:14

Sanggéd situ dengé taung lata Parisi, mendi-mendi de séng, agu isé tawa laing Hias.

LUKAS 2:34

Itu kali berkak isén hi Siméon, agu mai taén ngong hi Maria, endé de Anak koé hitu: “Tadan tu’ung, Anak koé ho’o poli cerepn te pa’u agu to’od do ata oné Israél, agu te ciri ca tanda te mangan raha,

LUKAS 5:21

Maik ata pecing Taurat agu ata Parisi taé oné naid: “Céing kéta péng ata ho’ot mbéis Mori Keraéngy? Céing ata ngancéng ampong ndékok, bom émé weki run Mori Keraéng kali?”

YOHANÉS 10:20

“Hia hena le jing da’aty agu wédoly; co’o tara séngét Hias méu?”

YOHANÉS 18:22

Du lari curup hitun Hia, cengata ata lami, hitut hesé nitu, baka du rangaN cang agu mai taén: “Nenggitu kéta waléN agu Imam Mésé?”

YOHANÉS 5:16

Landing hitu, ata tu’ad Yahudi humer kéta naid te pandé susa Mori Yésus, ai Hia pandé ina atay oné leso Sabat.

YOHANÉS 7:12

Agu do kéta dengé siwi-sok oné lawa do situ latang te Hia. Manga ata taé nenggo’o: “Hia ata di’ay.” Mai tungku data iwod: “Toé yé, Hia pandé wéléng ro’éngy.”

YOHANÉS 8:13

Mai wantil data Parisi agu Hia: “Tombo kéta sakasi weki Rum Hau, sakasim hitu toé molorn.”

YOHANÉS 8:52

“Ho’og pecingn lami, Hau hena le jing da’at. Ai hi Abraham polig matan, nenggitu kolés sanggéd nabi, maik mai taé de Hau: Céing ata lut reweng Daku, toé manga matan dengkir lén.

YOHANÉS 8:59

Itu kali pili watu disé te peké Hia; maik morag Mori Yésus nitu main, agu ngoy oné mai Mbaru de Mori Keraéng.

YOHANÉS 9:40

Sanggéd tombo situ, dengé lata pisa taus ata Parisi ata manga nitus, agu mai taéd ngong Hia: “Co’o weli betuan hitu ga, ami kolé butakm?”

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

2 KORINTUS 4:1

Ami poli tiba keturu ho’o ali nabit de Mori Keraéng. Landing hitu ami toé manga do’ong nai laing.

2 KORINTUS 4:16

Landing hitu ami toé simpungkm, koném po weki dami ho’o oné-oné eresn, maik du’ang dami pandé weruy lété leso.

GALATIA 6:9

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

2 TÉSALONIKA 3:13

Méu kali asé-ka’én, néka asi pandé di’a.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 12:5

Néka hémong toing ho’o de Mori Keraéng kamping méu, néhot toing agu Anak Run: “Oé anak daku, néka émo-among kaut toing de Morim. Néka merik nais émé rabo méu Liha;

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

1 PETRUS 2:23

Du Hia tida wincar-winaky lata, Hia toé gorin te léko. Du ta’ong susaN, Hia toé manga ngetek atan, maik condo wekiN oné Mori Keraéng hitut agil beté-bicarN.

WIDANG SI’ANG ONÉ HI YOHANÉS 2:3

Méu kali kong lembaks, agu kong ta’ong susas ali ngasang Daku. Méu metek kis.