IBRANI 12:23 - Bahasa Manggarai New Testament

²³ Méu lut ca impung ata ramé kéta, ngong nekek weki de sanggéd anak ngaso de Mori Keraéng ata manga ngasangd éta Surga. Méu mai kamping Mori Keraéng hitut beté-bicar sanggén ata. Méu mai kamping sanggéd ata nggeluk situt poli pandé besikd.

IBRANI 12:23 ပူးပေါင်းရင်းမြစ်များ

LUKAS 10:20

Landing néka ba’ang nenggitu, néka naka laing méséng jing situ kudus le méu, maik naka landing ngasangs manga tulisn éta Surga.”

YOHANÉS 5:27

Agu Hia poli téing kuasa oné Anak'N kudut beté bicar, ai Hia Anak Manusiay.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

1 KORINTUS 13:12

Ai te ho’on, ité lélo ca tara ata toé si’ang ného oné sereméng sabuk, maik tai ité te lélo dungkay wiga si’ang tu’ungy. Te ho’on aku toé baé di’ak, maik tai aku ciri baé di’a kéta, cama ného weki rug baé lata.

1 KORINTUS 15:49

Oné weki dité ho’o ba tara weki de lino, maik tai te ba tara de weki éta mai Surga.

1 KORINTUS 15:54

Émé weki ho’ot ngancéng ampus poli calingn le weki hitut toé ngancéng ampus, agu weki ho’ot onémai lino poli caling le weki éta-mai Surga, itu po jepeky curup ata poli tulisn: “Mata poli kodan, wiga ité haéng mosé tédéng lén.

2 KORINTUS 5:8

Nai dami temer kin agu céwé ngoéng hésing oné mai weki ho’o, kudut ka’éng agu Mori Keraéng.

ÉFÉSUS 1:22

Mori Keraéng poli pandé kodad sanggéd cao-ca agu na’as be wa-mai wa’i di Kristus. Hia kolé téing hi Kristus oné weki serani te ciri Tu’a oné-mai sanggéd caoca.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

KOLOSÉ 1:12

agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

2 TIMOTÉUS 3:5

Émé hia toé lencekn te wintuk kilo run, co’o hia ngancéng wintuk weki serani de Mori Keraéng?

IBRANI 11:4

Landing le imbin, hi Abél poli takung oné Mori Keraéng ata céwé di’an oné-mai takung di Kain. Ali hitu, Mori Keraéng tiba hi Abél ata céwé molorn, ai takung diha henan le Mori Keraéng. Ai le imbin, konem po poli matan maik hia ngai tombo kin dengkir te ho’on.

IBRANI 11:40

Ai Mori Keraéng poli ambi cao-ca ata céwé di’an latang te ité; ai émé toé cama-cama agu ité, isé kolé toé ngancéng ciri besiks.

IBRANI 2:12

Nenggo’o taé Diha oné Mori Keraéng, “Aku kudut keréba ngasang Dité oné asé-ka’é Daku agu naring Ité oné bahi-réha ata imbi.”

IBRANI 9:27

Cama ného manusia poli wérét latang te mata cangkalin kaut, agu poli hitu beté-bicary.

JAMES 1:18

Ali ngoéng Run, Mori Keraéng poli dédék ité ali rewengN ata molor, kudut ité ciri anak ngaso oné-mai sanggéd ata poli dédék.

1 PETRUS 2:23

Du Hia tida wincar-winaky lata, Hia toé gorin te léko. Du ta’ong susaN, Hia toé manga ngetek atan, maik condo wekiN oné Mori Keraéng hitut agil beté-bicarN.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 14:4

Isé situ, ngong ata siot nggélok kid moséd, ného ata reba ata toe di neki agu iné-wai. Isé lut nggere-nia kaut wan lakon Anak Jimbal hitu. Oné-mai sanggéd manusia, isé situ ata poli sambéd ného takung laring cain latang te Mori Keraéng agu latang te Anak Jimbal.

WIDANG SI’ANG ONÉ HI YOHANÉS 20:15

Néténg ata situt toé ita ngasangd oné Surak Data Mosé hitu, peké nggere-oné api mésé hituy.

WIDANG SI’ANG ONÉ HI YOHANÉS 6:11

Néténg isé tiba gici ca juba bakok. Og jerad isé kudut asi maél di cekoén, dengkir rapak dod asé-ka’é ata keturu laing agu asé-ka’é ca imbi disé te mbelé cama ného isé.

WIDANG SI’ANG ONÉ HI YOHANÉS 6:9

Du Anak Jimbal hitu nggé’i roku hitut te liman, ita laku bewa-mai compang sanggéd wakar disét poli mbeléd, landing le keréba reweng de Mori Keraéng lut saka-si disé.