IBRANI 12:2 - Bahasa Manggarai New Testament

² Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 12:2 ပူးပေါင်းရင်းမြစ်များ

MATÉUS 16:21

Pu’ung du nitu main Mori Yésus wangkag tombon Liha agu ata nungkun te Hia paka ngo oné Yérusalém, agu do kéta cukung susan oné mai isét tu’a laing imam-imam kepala agu ata pecing Taurat, poli hitu ala latay, agu leso te telun to’o koléy.

MATÉUS 20:28

cama ného Anak Manusia, mai toé kudut te tiba keturu, maik latang te gori keturuy agu téing mosén, te sambé latang te ata do.”

MARKUS 14:36

Mai taé Diha: “Ema, yo Ema, sanggéd cao-ca ngancéng taungs Lité, emi koé Lité piala susa ho’o oné mai Akun, maik néka lorong ngoéng Daku, lorong baté ngoéng Dité kali.”

MARKUS 15:28

Laingn kéta pakep muing curup oné Surak Nggeluk, taén: “Hia te bilang ného ata da’aty lata.”]

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

MARKUS 9:12

Mai walé de Mori Yésus: “Tu’ung olong mai hi Élia tekolo, kudut poléng sanggén taung. Hanang co’o ata poli tulis latang te Anak Manusia, te Hia paka ta’ong susa doy agu mbécik latay?

MARKUS 9:24

Gélang-gélang ema data koé hitu ciékn: “Imbig laku, ba’éng koé aku ho’ot toé imbi!”

LUKAS 17:5

Maig taé data nungku situ ngong Mori Yésus: “Tambang koéy imbi dami!”

LUKAS 23:11

Wangkag hi Hérodés agu serdadun nini-noak, agu loér lokét Hiad; hi Hérodés cuki juba mésé oné Hia, poli hitu, jera todang kolé nggere-oné hi Pilatusy.

LUKAS 24:26

Toé weli hi Mesias paka cukung susa taung situ, kudut ngo nggere-oné dirapn?”

YOHANÉS 1:29

Ného diangn ga hi Yohanés ita main Mori Yésus mai nggere- cé’é hiay, agu mai taén: “Lélo ga Anak Jimbal de Mori Keraéng, ata koso ndékok de lino.

YOHANÉS 12:24

Aku taé agu méu: Moron, émé weras gandum toé pa’u wa tana agu matay, hia ca weras kin, maik émé matay, do cir wuan.

YOHANÉS 12:32

Agu Aku émé téti nggere-étak oné mai lino, Aku poto taung ata te mai oné Aku.

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

YOHANÉS 6:40

Ai ho’oy ngoéng de Ema Daku; kudut sanggéd taung ata siot poli ita Anak agu imbi Hias, ita mosé tédéng lén agu porong Aku pandé to’o isé du cemol lino.”

YOHANÉS 8:56

Ema de méu hi Abraham, nisang kéta nain ai hia te ita leso Dakuy agu poli itan liha, wiga hia nakay le ita hitu.”

TOMBO PÉTÉ GORI DE RASUL-RASUL 2:36

Jari, sanggéd wa’u Israél paka getok kéta pecingd te Mori Keraéng poli pandé Mori Yésus hitut panggol de méu, ciri Mori Keraéng agu hi Kristusy.”

TOMBO PÉTÉ GORI DE RASUL-RASUL 3:15

Méu poli mbelé Hiat wé’ang salang te mosé di’a, maik Mori Keraéng pandé mosé kolé Hia oné mai ata mata, agu latang te hitu ami ho’o saka-sin.

TOMBO PÉTÉ GORI DE RASUL-RASUL 5:31

Hiap hitut poli téti nggere-étan le Mori Keraéng ali limé wanangN, ciri Karong Salang agu Ata Selamak, kudut tesers ata Israél agu tiba ampong ndékok.

TOMBO PÉTÉ GORI DE RASUL-RASUL 5:41

Rasul-rasul situ pé’ang oné mai sidang de Adak Agama ali nisang naid, ai isé poli naun te ta’ong susa landing le ngasang de Mori Yésus.

1 KORINTUS 1:18

Ai keréba latang te panggol hitu te pandé bapa laing latang te isé situt kudut ampus, maik latang te itét kudut selamak, keréba hitu te toto mberes de Mori Keraéng.

1 KORINTUS 1:23

Maik ami wéro keréba hi Kristus hitut panggoly. Keréba ho’o, latang te ata Yahudi ného ca watu te pandé timpok laing, agu latang te ata toé Yahudi ného te pandé bodok laing.

ÉFÉSUS 2:16

Le mata di Kristus oné haju panggol, Hia poli pandé neki cad sua wa’u situ, wiga ampusd maca tau disé.

ÉFÉSUS 5:2

Meu momang tau, ného hi Kristus Yésus poli momang méun. Hia poli condo wekiN latang te ité, cama ného takung hélang ata bengén wiga cembes nain Mori Keraéng.

PILIPI 1:6

Weki run kéta Mori Keraéng ata pu’ungn gori hitu latang te méu. Itu tara imbin laku te Hia kolé te pandé ruda olon gori hitu dengkir du leso cai kolén hi Kristus Yésus.

PILIPI 3:20

Maik ité ho’o ro’éng de Surga. Nitu-main dé cain Raja Ata Sambé dité, Mori Yésus Kristus hitut géréng dité.

2 TIMOTIUS 4:8

Te ho’on poli ambi latang te aku songkok molor hitut kudut tabing oné akuy le Mori, Adak ata agil, du cemoln lino, toé hanang latang te aku kanang, maik latang te sanggén ata situt nuk mai Diha, du cemoln lino.

IBRANI 1:13

Ai Mori Keraéng toé dé’it manga curup nenggo’o oné cengata malékat: “Lonto ga oné racap wanang’G, dengkir pandé Laku sanggéd ata baliM, te ciri lapéng wa’iM.”

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 10:14

Ai ali ca kaut hélang léca, hi Kristus poli besik tédéng lén sanggéd isét poli pandé nggélokd oné-mai ndékok.

IBRANI 10:33

Du méu loér latam agu ta’ong susa bolo-mai ranga data do, nggitu kolé méu lut ta’ong susa le ita isét loér latas.

IBRANI 11:36

Ata iwod kolé tiba loér, tiba luca, pangkot le ranté agu na’a oné buis.

IBRANI 12:3

Damang dé nuk, co’o kétay mendon susa de Mori Yésus te dungkang sanggéd ata ndékok ata lawang Hia, kudut méu kolé néka merik nais agu néka cubam.

IBRANI 13:13

Landing hitu, mait ga ité ngo be pé’ang-mai ndéi agu lut ciri bocik cama agu Hia.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

IBRANI 7:19

Ai Adak Taurat toé manga pandé besikn. Iwon kolé weli ga, Mori Keraéng poli toi bengkes ata céwé di’an, ata pandé ruis ité agu Mori Keraéng.

IBRANI 8:1

Icid sanggéd taung situt tombo dité weli ga: Ité manga Imam Mésé ata nenggituy, ata lonto oné racap wanang seriga de Mori Keraéng ata Mésé Tu’ung éta Surga.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

JAMES 2:1

Asé-ka’é daku, ai ité ho’o ata imbi oné hi Yésus Kristus Mori dité hitut mengit, oné toto imbis néka nono momang ata.

1 PETRUS 1:11

Isé kolé mbajik kéta cécan, te du niay agu co’oy jarin lorong nuk de Nai di Kristus hitut manga oné isé. Nai hitu dé ata poli keréba latang te sanggéd susa ata kudut hena hi Kristus agu latang te sanggéd mengit situt tua musi-maid.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.

YUDAS 1:21

Mosé koém oné mbau momang de Mori Keraéng, cang agu géréng nabit de Mori dité Yésus Kristus latang te mosé tédéng lén.

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

WIDANG SI’ANG ONÉ HI YOHANÉS 1:17

Du poli itan Hia laku, sujuk aku wa wa’iN, cama ného ata matak. Maik Hia témba limé wanangN lobo aku, agu mai taéN, “Néka rantang! Aku dé ata Du Wangkan agu Du Cemoln.

WIDANG SI’ANG ONÉ HI YOHANÉS 1:8

“Aku dé Du Wangkan agu Du Cemoln,” curup de Mori Keraéng, hitut manga, poli mangan, hitut kudut maiy, agu pu’un kuasa.

WIDANG SI’ANG ONÉ HI YOHANÉS 2:8

“Tulis koé latang te malékat de weki serani oné Smirna: Ho’oy curup oné-mai Hia hitut Du Wangkan agu Turung Cemol, ata poli matan agu poli mosé kolén.