IBRANI 11:4 - Bahasa Manggarai New Testament

⁴ Landing le imbin, hi Abél poli takung oné Mori Keraéng ata céwé di’an oné-mai takung di Kain. Ali hitu, Mori Keraéng tiba hi Abél ata céwé molorn, ai takung diha henan le Mori Keraéng. Ai le imbin, konem po poli matan maik hia ngai tombo kin dengkir te ho’on.

IBRANI 11:4 ပူးပေါင်းရင်းမြစ်များ

MATÉUS 23:35

kudut le méus polad, landing bowo dara disét ata toé manga salad pu’ung oné mai hi Habél, hitut molor, dengkir oné hi Zakaria anak di Bérékya hitut mbelé le méu oné bahiréha osang nggeluk agu compang.

LUKAS 11:51

pu’ung oné mai dara di Habél dengkir agu dara di Zakaria ata mbelé oné be réha compang agu Mbaru de Mori Keraéng. Ngot Aku taé agu méu: sanggéd taung situ soléng laings latang te ata uwa te ho’on.

TITUS 1:16

Bo tombod pecing Mori Keraéngs, maik oné-mai pandéd, pali Mori Keraéngs. Isé gutekd, toé lorong agu toé kopd te pandé cao-ca ata di’an.

IBRANI 11:2

Ali imbi, Mori Keraéng henan oné isét bolo-mai ité.

IBRANI 12:1

Baling-mai ité manga do saka-si. Mait ga ité, oké taungs mendo agu ndékok situt pandé do’ong ité. Agu paka metek tu’ung te lut rié ho’ot manga bolo-mai ranga dité ga.

IBRANI 12:24

Méu mai kamping Mori Yésus, ata Létang témba reké weru, agu kamping daraN hitut poli wecar, ata céwé mberes pa’arn oné-mai dara di Abél.

IBRANI 5:1

Néténg Imam Mésé ata le pilé oné-mai bahi-réha manusia, wéréty latang te manusia oné woé-joé disé agu Mori Keraéng, kudut hia ba takung agu hélang landing ndékok.

IBRANI 9:22

Lorong Adak Taurat sanggéd caoca pandé nggeluk le daras. Ai émé toé hélang le dara, toé manga kolé ampong ndékok.

2 PÉTRUS 2:8

Hi Lot ho’o ka’éng oné bahi-réha isé agu néténg leso ita agu séngét sanggéd pandé da’at disé, wiga beti kéta nain.

YUDAS 1:11

Copels dé isé, ai lut salang baté lako di Kain agu cembur nggere-oné salang wéléng di Biléam soho nanang tiba séng. Isé ampus taungs, ai téti rampas ného hi Korah.