IBRANI 11:16 - Bahasa Manggarai New Testament

¹⁶ Maik te ho’on ga, isé kembung tana kuni agu kalo ata céwé di’an, ngong tana kuni agu kalo éta Surga. Ali hitu, Mori Keraéng toé ritaky te caro Mori Keraéng diséy, ai Hia poli ambi ca béndar tédéng lén latang te isé.

IBRANI 11:16 ပူးပေါင်းရင်းမြစ်များ

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

MARKUS 12:26

Agu latang te to’o koléd ata poli mata, toé bacang le méu oné surak di Musa, oné tombo pu’u karot, co’oy reweng de Mori Keraéng oné hia: “Aku ho’o Mori di Abraham, Mori di Ishak, agu Mori di Yakob?

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

LUKAS 12:32

Néka rantang dé méu, oé méut ce impung koé! Ai Emam henan kéta téing méu Perénta hitu.

LUKAS 20:37

Latang te to’od ata mata, hi Musa poli tombo oné surak latang te remang karot, hiot caron Mori: Mori Keraéng di Abraham, Mori Keraéng di Ishak, agu Mori Keraéng di Yakob.

YOHANÉS 14:2

Oné Mbaru de Ema Daku dod osang te ka’éng. Émé toé nggitu, toét toé tombos Laku agu méu, ai ngo Daku nitu te ambi osang latang te méu.

TOMBO PÉTÉ GORI DE RASUL-RASUL 7:32

Aku Mori Keraéng, empo de hau, Mori Keraéng di Abraham, di Ishak agu di Yakub. Jejer hi Musa agu toé cung te lélo.

PILIPI 3:20

Maik ité ho’o ro’éng de Surga. Nitu-main dé cain Raja Ata Sambé dité, Mori Yésus Kristus hitut géréng dité.

2 TIMOTIUS 4:18

Morin te lego aku oné-mai sanggéd pandé da’at. Hia te pandé selamak aku, wiga aku ngo oné Adak Diha éta Surga. Latang te Hia mengit tédéng lén! Amén.

IBRANI 10:34

Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.

IBRANI 11:10

Ai hi Abraham, rémé géréng béndar hitut tédéng lén ata nanéng agu pandé le Mori Keraéng.

IBRANI 11:14

Isé situt curup nenggitu, te toto mésén kembung kawé tana kuni agu kalo.

IBRANI 11:40

Ai Mori Keraéng poli ambi cao-ca ata céwé di’an latang te ité; ai émé toé cama-cama agu ité, isé kolé toé ngancéng ciri besiks.

IBRANI 12:22

Maik méu te ho’on ga, mai cé’é Golo Sion, oné béndar de Mori Keraéng hitut téing mosé, ngong Yérusalém éta Surga ata penong le malékat.

IBRANI 13:14

Ai oné lino ho’o, toé manga osang ata makengn latang te ité. Ité kawé osang ata makengn te ka’éng du mosé nggere-olon.

IBRANI 2:11

Ai hi Yésus hitut pandé nggeluk agu isé situt ciri nggeluks, sanggén taung mai oné-mai ca Ema. Itup tara Hia toé ritak caro isé ciri asé-ka’éN.

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.