IBRANI 11:10 - Bahasa Manggarai New Testament

¹⁰ Ai hi Abraham, rémé géréng béndar hitut tédéng lén ata nanéng agu pandé le Mori Keraéng.

IBRANI 11:10 ပူးပေါင်းရင်းမြစ်များ

YOHANÉS 14:2

Oné Mbaru de Ema Daku dod osang te ka’éng. Émé toé nggitu, toét toé tombos Laku agu méu, ai ngo Daku nitu te ambi osang latang te méu.

2 KORINTUS 5:1

Ai pecing lami, émé ndéi ka’éng dité oné lino ho’o rongkasy, Mori Keraéng poli améng osang éta Surga latang te ité, osang baté ka’éng tédéng lén ata toé pandé le limé de manusia.

PILIPI 3:20

Maik ité ho’o ro’éng de Surga. Nitu-main dé cain Raja Ata Sambé dité, Mori Yésus Kristus hitut géréng dité.

IBRANI 11:16

Maik te ho’on ga, isé kembung tana kuni agu kalo ata céwé di’an, ngong tana kuni agu kalo éta Surga. Ali hitu, Mori Keraéng toé ritaky te caro Mori Keraéng diséy, ai Hia poli ambi ca béndar tédéng lén latang te isé.

IBRANI 12:22

Maik méu te ho’on ga, mai cé’é Golo Sion, oné béndar de Mori Keraéng hitut téing mosé, ngong Yérusalém éta Surga ata penong le malékat.

IBRANI 12:28

Jari, mait ga ité wali di’a agu ngaji kamping Mori Keraéng, ai ité tiba adak ata toé ngancéng gégoy. Mait ga ité wali di’a agu ngaji te hiang Hia, lorong wintuk ata patun Liha.

IBRANI 13:14

Ai oné lino ho’o, toé manga osang ata makengn latang te ité. Ité kawé osang ata makengn te ka’éng du mosé nggere-olon.

IBRANI 3:4

Bo kali néténg mbaru pandé le cengata ata pecing gambar, maik hanang weki run Mori Keraéng ata pecing gambar sanggéd ménan.

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.