IBRANI 10:5 - Bahasa Manggarai New Testament

⁵ Landing hitu du hi Kristus mai oné linoy, nggo’o taéN agu Mori Keraéng: “Hélang agu takung toé tibas Lité -- ai Ité poli ambi weki Daku --.

IBRANI 10:5 ပူးပေါင်းရင်းမြစ်များ

MATÉUS 11:3

itu tara jera ata nungkun, te réi Hia: “Ité hitut mai, ko ami paka géréng ata banakm?”

LUKAS 1:35

Wantil de malékat hitu agu hia: “Nai Nggeluk wa’u oné itéy, agu kuasa de Mori Keraéng ata langkas kéta te sémbéng itéy; ali hitu, anak hitut kudut loas lité Anak nggeluk de Mori Keraéng.

LUKAS 7:19

béntas liha sua taus oné mai isé agu jera ngo oné Mori Yésus, te réi: “Itéy hitut kudut mai, ko ami paka géréng kolé ata bana?”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

GALATIA 4:4

Maik du rapakg leson, itu kali Mori Keraéng wuat AnakN. Hia loas le cengata iné-wai agu mosé lorong wintuk Taurat.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

IBRANI 1:6

Céwén kolé, du Hia dadé Anak ngason nggere-cé’é lino ho’o, mai taéN: “Sanggéd malékat de Mori Keraéng paka suju Hias.”

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

IBRANI 10:7

Itu kali mai taé Daku: “Ho’ok Aku caig Yo Mori, te pandé lorong ngoéng Dité, ného ata poli tulis latang te Aku oné Surak Nggeluk.”

IBRANI 10:8

Éta hio bao, taé li Kristus, “Hélang agu takung, hélang tapa agu hélang te koso ndékok toé patun agu toé kopn Lité”, – koném po takung lorong Adak Taurat.

IBRANI 2:14

Ai sanggéd anak situ manusia ata ngancéng mata. Itu tara Hia kolé ciri cama ného isé agu lut cama ného isé. Kudut lut mata Diha, Hia pandé lerak jing da’at hitut manga kuasan latang te mata.

IBRANI 5:7

Oné moséN ného manusia, Mori Yésus ngajiy tegi ali rétang nenep agu lanar lu’u mata oné Mori Keraéng ata ngancéng selamak Hia oné-mai mata. Ali nggelukN, tegi Diha sendo le Mori Keraéng.

IBRANI 8:3

Ai néténg Imam Mésé poli wérét latang te ba takung hélang agu ba podo nggere-oné Mori Keraéng. Nenggitu kolé Imam Mésé dité, Hia sékékn kéta te manga cao-ca latang te ba podo nggere-oné Mori Keraéng.

1 PETRUS 2:24

Weki Run Mori Yésus poli pola panggol landing ndékok dité, kudut ité toé ngoéng te pandé ndékok kolé, maik mosé latang te pandé molor. Ali sanggéd réu Diha méu poli inas ga.

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.