IBRANI 10:34 - Bahasa Manggarai New Testament

³⁴ Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.

IBRANI 10:34 ပူးပေါင်းရင်းမြစ်များ

MATÉUS 19:21

Mai taé de Mori Yésus agu hia: “Émé ngoéng kudut jepekm hau, ngoh ga, pika kéta taungs paéngm agu téing isét lénggé, le hitu hau tiba paéng de Surga, poli hitu nggere-cé’é Aku agu lut Akuh.”

LUKAS 10:42

maik ca kanang ata sékékn; hi Maria pilé ata di’an kéta, hitut toé kéta ngancéng emin oné mai hia.”

LUKAS 12:33

Pika taungs le méu sanggéd cao-cas agu téing recos! Pandé ga le méu kandi hitut toé ciri mangay; ngong ca ceca éta Surga hitut toé ngancéng cipotn, toé ngancéng ruis lata takon, agu toé ngancéng hang le pakotn.

LUKAS 9:25

Apay di’an, ca ata delék temu tana lino, maik hia pandé copél weki run?

TOMBO PÉTÉ GORI DE RASUL-RASUL 21:33

Kepala serdadu hitu hesé ruis hi Paulus, deko agu jera pongo hia le suad ranté, itu kali rein, céing hia agu apa ata poli pandé diha.

TOMBO PÉTÉ GORI DE RASUL-RASUL 28:20

Itu tara tegig aku kudut aku lélo agu tombo agu méu ai ali bengkes data Israél tara pongo le mendo ho’og aku.”

TOMBO PÉTÉ GORI DE RASUL-RASUL 5:41

Rasul-rasul situ pé’ang oné mai sidang de Adak Agama ali nisang naid, ai isé poli naun te ta’ong susa landing le ngasang de Mori Yésus.

2 KORINTUS 5:1

Ai pecing lami, émé ndéi ka’éng dité oné lino ho’o rongkasy, Mori Keraéng poli améng osang éta Surga latang te ité, osang baté ka’éng tédéng lén ata toé pandé le limé de manusia.

ÉFÉSUS 3:1

Aku hi Paulus, campitn tara oné buig landing hi Kristus Yésus latang te sékék de méu ata toé Yahudi.

ÉFÉSUS 4:1

Aku hi Paulus, ata bui landing keturu Mori Keraéng, toing méu: mosé koém ného taras ata poli pilé le Mori Keraéng.

ÉFÉSUS 6:20

Landing le Keréba Di’a hitu dé, aku ciri cengata ata wuat laing le Mori Keraéng agu ho’o ga rémé oné bui kig. Ngaji koém, kudut aku toé rantang te wéwa Keréba Di’a hitu.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

KOLOSÉ 1:5

landing bengkes hitut poli mengkekn latang te méu éta Surga. Latang te bengkes hitu poli dengé olon le méu oné-mai curup molor ngong Keréba Di’a,

2 TIMOTÉUS 6:19

Ali hitu igol paéng luing ligéng ata di’an latang te weki run du mosé nggere-olon, wiga haéng mosé ata tu’ungn.

2 TIMOTIUS 1:16

Nahé Morin tabing berkak latang te kilo di Onésiforus ata do ngkali lémbu nai dakun. Hia toé ritaky te cumang aku oné bui.

2 TIMOTIUS 2:9

Ai le wéro Keréba Di’a ho’o tara ta’ong susag aku, ngot hena le lampang cama ného ata da’at, maik curup de Mori Keraéng toé ngancéng lampangy.

2 TIMOTIUS 4:8

Te ho’on poli ambi latang te aku songkok molor hitut kudut tabing oné akuy le Mori, Adak ata agil, du cemoln lino, toé hanang latang te aku kanang, maik latang te sanggén ata situt nuk mai Diha, du cemoln lino.

IBRANI 11:16

Maik te ho’on ga, isé kembung tana kuni agu kalo ata céwé di’an, ngong tana kuni agu kalo éta Surga. Ali hitu, Mori Keraéng toé ritaky te caro Mori Keraéng diséy, ai Hia poli ambi ca béndar tédéng lén latang te isé.

IBRANI 13:14

Ai oné lino ho’o, toé manga osang ata makengn latang te ité. Ité kawé osang ata makengn te ka’éng du mosé nggere-olon.

IBRANI 13:3

Nuk koé ata siot oné bui, ai weki rus kolé méu néhot ata buim. Nuk kolé ata siot rendaks lata, ai weki rus méu kolé ngai mosé kis oné lino ho’o.

IBRANI 9:15

Hitup tara hi Kristus ciri Létang-témba oné-mai reké weru, kudut isé siot poli piléd ngancéng tiba mbaté tédéng lén hitut poli reké de Mori Keraéng. Ai manga ata matad, ngong hi Kristus, latang te sambé sanggéd lagé situt poli pandéd du reké hitut laring cain papé kin.

JAMES 1:2

Asé-ka’é daku, émé méu pa’u oné do tarad damang, rékéng le méu ného mosé di’a.

1 PETRUS 1:4

kudut tiba mbaté hitut toé ngancéng ampusy, toé ngancéng rowak agu toé ngancéng moray, hitut pedeng éta Surga latang te méu.

1 YOHANÉS 3:2

Asé-ka’én ata momang laku! Te ho’on ité anak de Mori Keraéngt, maik toé di si’ang ného niay mosé dité tai. Maik pecing lité, émé cai hi Kristus tai, ité te ciri cama ného Hiat. Du hitu po ngancéng lélo dungka lité Hia, te ného niay cetu’ungn taraN.