IBRANI 10:29 - Bahasa Manggarai New Testament

²⁹ Nuk kaut, leng kéta mendon wahéng hitut paka tiba lata hitut wedi le wa’is Anak de Mori Keraéng. Hia pandé rinek dara hitut poli reké de Mori Keraéng, ngong dara di Kristus ata poli pandé nggeluk hia. Hia kolé poli loér Nai Nggeluk ata poli tabing widang!

IBRANI 10:29 ပူးပေါင်းရင်းမြစ်များ

MATÉUS 26:28

Ai ho’o dé dara Daku, dara baté reké ata bowo latang té ata do kudut ampong ndékokd.

MATÉUS 7:6

“Méu néka téing ceca ata nggelukn oné acu, agu néka wéwér tubis oné ela, boto wedi le wa’is lisé, poli hitu ngo cowit méuy.”

MARKUS 7:2

Ita lisé te manga pisa taus ata nungku Diha hang déméng limé sakid, ngong toé olong samo liméd.

LUKAS 12:10

Néténg ata situt taé kaut ca mu’un ata lawang Anak Manusia, hia te ampongy; maik céing ata mbéis Nai Nggeluky, hia toé kéta ampongy.

YOHANÉS 10:36

ngancéng taé kin weli le méu ko, oné Hia hitut pandé nggeluk Liha Ema, agu hitut poli wuat Liha oné tana lino; Hau mbéis Mori Keraéng! Landing kaut poli curup Laku: Aku Anak de Mori Keraéng?

YOHANÉS 17:19

agu Aku pandé nggeluk weki Rug latang te isé, kudut isé ciri nggeluks oné molor.

TOMBO PÉTÉ GORI DE RASUL-RASUL 7:51

Oé ata kembe-lu’ak, ata gangga agu nenteng, méu mtaung ata lawang Nai Nggeluk, cama ného empos, nenggitu kolé méu.

ROMA 16:20

Mori Keraéng pu’un hambor-meler te gélang pandé ampus jing da’at be-wa mai wa’i de méu. Tabing de Mori Yésus, Mori dité, loréng méu!

1 KORINTUS 11:27

Jari, céing kaut ata toé kopn te hang roti agu inung piala de Mori Yésus, hia pandé ndékok latang te weki agu dara de Mori Yésus.

1 KORINTUS 11:29

Ai céing ata hang agu inung toé olong pinga weki de Mori Yésus, hia siro wahéng le weki run.

1 KORINTUS 15:25

Ai Mori Yésus paka cau perénta ného Rajay dengkir Mori Keraéng pandé koda taungs ata balin agu na’a wa mai wa’i di Kristus.

1 KORINTUS 15:27

Ai sanggéd cao’ca poli kodad Liha agu na’a wa mai wa’i Dihas. Maik, émé manga taé te “sanggéd cao’ca poli kodad,” ngong si’ang kéta te weki run Mori Keraéng ata poli pandé koda sanggéd cao’ca situ agu na’a wa mai wa’i di Kristus, landing hi Kristus toé boné-mai sanggéd cao’ca situy.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

ÉFÉSUS 4:30

Méu néka pandé wéong Nai Nggeluk de Mori Keraéng hitut poli palas méu du leso turung tiba selamak.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

IBRANI 12:25

Jerék koém, méu paka tiba agu séngét Hia hitut ban curup hitu. Isét ogo te séngét Hiat mai oné lino ho’o ata ba keréba de Mori Keraéng, toé ngancéng célad oné-mai wahéng. Apan kolé ité te ho’on, émé ité hedong oné-mai Hia hitut curup éta-mai Surgan.

IBRANI 13:20

Mori Keraéng poli pandé mosé kolén Mori Yésus oné-mai ata mata. Ali mataN hitu, ho’o ga Hia ciri Ata Lami Mésé sanggéd jimbalN. Le mataN hitu kolé, pandé petok reké de Mori Keraéng tédéng lén agu ité.

IBRANI 2:11

Ai hi Yésus hitut pandé nggeluk agu isé situt ciri nggeluks, sanggén taung mai oné-mai ca Ema. Itup tara Hia toé ritak caro isé ciri asé-ka’éN.

IBRANI 2:3

Ité toé ngancéng cépéd émé pandé kéba kaut keréba selamak hitut mésé, ata keréba le Morin laring cain agu nesa kéta oné ité lisét poli dengé Hia.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 6:4

Émé isét poli dé’it pandé gérak naid, poli manté tabing éta-mai Surga agu manté tiba lahé oné-mai Nai Nggeluk,

IBRANI 6:6

maik ledong imbid, isé situ toé ngancéng pandé weru kolés kudut teser. Isé situ pandé panggol kolé Anak de Mori Keraéng latang te weki disé agu loér Hia oné ranga data do.

IBRANI 9:13

Dara de mbé laki ko dara de japi laki agu wecar rawuk de japi ata poli tapa ngkewang, ngancéng pandé nggeluk isét rinek, wiga isé nggéloks wekid.

IBRANI 9:20

Cang agu taé, “Ho’oy dé dara reké ata wérét le Mori Keraéng latang te méu.”

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.