IBRANI 10:19 - Bahasa Manggarai New Testament

¹⁹ Jari, asé-ka’én, ali dara de Mori Yésus itét ho’on ga cukung te ngo oné Lo’ang Nggeluk Kéta.

IBRANI 10:19 ပူးပေါင်းရင်းမြစ်များ

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

ROMA 8:15

Ai méu toé tiba nai te ciri mendim hitut pandé rantang méu laing, maik méu poli tiba Nai Nggeluk hitut ciri Anak de Mori Keraéng. Ali Nai Nggeluk hitu tara ngancéng caro lité, “Yo Abba, ngong Yo Ema!”

ÉFÉSUS 2:18

Lut hi Yésus Kristus, Nai Nggeluk pandé ruis agu Mori Keraéng Ema sanggéd ité ata Yahudi ko ata toé Yahudi.

ÉFÉSUS 3:12

Ali imbi agu nai ca anggit oné hi Kristus, ité ndong te nia ngoéngd ngo oné Mori Keraéng déméng agu mésé imbid.

2 TIMOTIUS 1:7

Ai Mori Keraéng widang Nai Nggeluk oné ité, toé kudut pandé rantang, maik kudut pandé mberes, momang agu kitep.

IBRANI 10:18

Jari, émé sanggéd ndékok agu lagé poli ampongd, toé sékékn kolé te takung hélang latang te ampong ndékok.

IBRANI 10:35

Landing hitu, metek kin imbis, ai mésén lahén hitut ngai géréng.

IBRANI 12:28

Jari, mait ga ité wali di’a agu ngaji kamping Mori Keraéng, ai ité tiba adak ata toé ngancéng gégoy. Mait ga ité wali di’a agu ngaji te hiang Hia, lorong wintuk ata patun Liha.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 4:16

Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:3

Be musi-mai rinding te suan, manga kolé ca lo’ang ata caron Lo’ang Nggeluk Kétay.

1 YOHANÉS 4:17

Momang de Mori Keraéng jepeky oné ité, ngong émé metek kin imbi dité du leso beté-bicar, ai ité kolé manga oné lino ho’o cama ného hi Kristus danong.