FILÉMON 1:14 - Bahasa Manggarai New Testament

¹⁴ Maik aku ogok te pandé nenggitu émé toé di éng le hau. Ngoéng daku, kudut pandé di’a hitu de hau, toé ali dedek molé, maik ali téti nai rum.

FILÉMON 1:14 ပူးပေါင်းရင်းမြစ်များ

1 KORINTUS 9:17

Émé pandé laku lorong ngoéng de rug, aku manga hakg te tiba lahén. Maik pandé daku toé lorong ngoéng rug. Ai Keréba Di’a hitu perénta de Mori Keraéng latang te aku.

1 KORINTUS 9:7

Céing weli ata bajar le run émé ngo rampas? Céing weli ata weri anggor oné uman, maik toé kolé hang wuad? Ko céing ata wéling jimbal, maik toé kolé inung waé cucu de jimbal situ?

2 KORINTUS 1:24

Toé ali ngoéng dami te perénta apa ata paka imbi le méu, ai méu poli mereps oné imbi. Ngot ami ngoéng lorong gori latang te nisang nai de méu.

2 KORINTUS 8:12

Ai émé méu goris kudut téing, téing de méu hitu tibas le Mori Keraéng. Téing lorong apa ata mangan, toé lorong apa ata toé manga oné méu.

2 KORINTUS 9:5

Hitu tara jerad laku hi Titus agu sua asé-ka’é ca imbi situ kudut ngo pado olos, kudut wintuk réco situt poli reké de méu olo. Ali hitu ita si’angn cepisa te réco de méu hitu téing le gawas nai toé ali dedek molé.

2 KORINTUS 9:7

Poro néténg-néténg méu téing lorong téti nai rus, néka ali mendo nai ko ali denet data, ai Mori Keraéng momang ata siot téing ali nisang naid.