TOMBO PÉTÉ GORI DE RASUL-RASUL 9:34 - Bahasa Manggarai New Testament

³⁴ Mai taé di Pétrus: “Énéas, Mori Yésus Kristus pandé ina hau, to’o ga agu hidi di’a wongka tokom!” Du hitu muing to’on ata hitu.

TOMBO PÉTÉ GORI DE RASUL-RASUL 9:34 ပူးပေါင်းရင်းမြစ်များ

MATÉUS 8:3

Itu kali losn limé de Mori Yésus, asur ata hitu, agu mai taén: “Gorig Aku, inah ga.” Du hitu muing inan boké data hitu.

MATÉUS 9:6

Maik kudut baé le méu, te oné lino ho’o Anak Manusia manga kuasan te ampong ndékok.” Mai taén ngong ata péko hitu: “To’oh ga, ba wongka tokom agu kolé mbarum!”

YOHANÉS 2:11

Tanda lenget hitut pandé le Mori Yésus oné Kana, tana Galiléa, ata te laring cain oné mai sanggéd tanda lenget Diha. Agu le hitu Hia pandé bong ngasang’N agu sanggéd ata nungku’N imbi Hias.

TOMBO PÉTÉ GORI DE RASUL-RASUL 16:18

Iné-wai hitu ciék nenggitu, tédéng pisa leso. Maik du hi Paulus toé ta’ong ali katut diha, holés hia agu curup oné jing hitu: “Le ngasang de Mori Yésus Kristus aku jera hau, pé’ang oné mai iné-wai ho’o.” Du hitu muing pé’angn jing hitu.

TOMBO PÉTÉ GORI DE RASUL-RASUL 3:12

Du ita hitu li Pétrus, mai taén agu ata do situ: “Oé ata Israél, co’o tara lenget laingn le méu tanda lenget hitu agu co’o tara lélo ami, néhot lami kétag pandé lako kolén ata ho’o ali kuasa ko nggeluk dami?

TOMBO PÉTÉ GORI DE RASUL-RASUL 3:16

Landing ali imbi oné Ngasang de Mori Yésus wiga Ngasang hitu poli pandé mberes ata ho’ot ita agu pecing de méu, agu ali imbi hitu kolé tara pandé inan ata ho’o wa ranga de méu.

TOMBO PÉTÉ GORI DE RASUL-RASUL 3:6

Maik taé di Pétrus: “Emas agu pérak toé manga oné aku, maik apa kaut ata mangan oné aku, aku téing hau: Le ngasang de Mori Yésus Kristus, ata Nasarét hitu, to’o agu lakoh ga!”

TOMBO PÉTÉ GORI DE RASUL-RASUL 4:10

kudut pecing di’a-di’a le méu agu le sanggén ro’éng Israél, te oné ngasang de Mori Yésus Krisrtus ata Nasarét hiot poli panggoln le méu, maik poli pandé mosé kolén le Mori Keraéng oné mai ata mata – landing ali Mori Yésus hitu tara ata ho’o hesé agu weki di’an wa ranga de méu te ho’on.

TOMBO PÉTÉ GORI DE RASUL-RASUL 9:33

Nitu cumang liha hi Énéas, ata alo ntaung’g halas kin oné wongka tokon, ai pékoy.

TOMBO PÉTÉ GORI DE RASUL-RASUL 9:35

Sanggéd ata Lida agu Saron ita hia, itug kali holés nggere-oné Mori Keraéng.