TOMBO PÉTÉ GORI DE RASUL-RASUL 9:2 - Bahasa Manggarai New Testament

² agu tegi surak kuasa kudut ba diha oné mbaru-mbaru ngaji data Yahudi, oné Damsyik, kudut émé cumang agu ata rona ko iné-wai ata lorong Salang de Mori Yésus, hia ngancéng deko agu sorok isé nggere-oné Yérusalém.

TOMBO PÉTÉ GORI DE RASUL-RASUL 9:2 ပူးပေါင်းရင်းမြစ်များ

MATÉUS 10:17

Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

TOMBO PÉTÉ GORI DE RASUL-RASUL 18:25

Hia poli tiba toing Salang de Mori Keraéng. Séméngak kétay woko tombo agu mbajik kéta toingn latang te Mori Yésus, maik hia hanang pecing cebong di Yohanés.

TOMBO PÉTÉ GORI DE RASUL-RASUL 19:23

Aik du hitug wangkan ngai-ngaok mésé latang te Salang de Mori Keraéng.

TOMBO PÉTÉ GORI DE RASUL-RASUL 19:9

Maik manga pisa taus ata teger kid naid. Isé toé gorid te imbi kaut, ngot pocu kali Salang de Mori Keraéng olo mai ranga data do. Landing hitu hi Paulus legong isé kudut cama-cama agu ata nungkun ngo toing ata oné mbaru sekola Tiranus.

TOMBO PÉTÉ GORI DE RASUL-RASUL 24:14

Maik tura laku oné ité te aku suju Mori Keraéng empo dami ali lut Salang de Mori Keraéng, ngong Salang ata caro lisé aliran. Aku imbi sanggéd taung situt poli tulis oné wintuk Taurat agu oné Surak de Nabi-nabi.

TOMBO PÉTÉ GORI DE RASUL-RASUL 24:22

Mai hi Feliks hitut pecing tu’ung Salang de Mori Keraéng, renggé bicar disé, mai taén: “Du cain kepala tentera Lisias cé’é ho’o, aku te beté bicar de méu.”

TOMBO PÉTÉ GORI DE RASUL-RASUL 26:10

Apa hitu pandé kolé laku oné Yérusalém. Aku toé hanang na’a oné buis do kéta ata nggeluk, du aku poli tiba kuasa oné mai imam-imam kepala, maik lorong kolé laku, émé isé situ pandé matas.

TOMBO PÉTÉ GORI DE RASUL-RASUL 26:12

“Lari nggitun du aku rémé cau kuasa mésé agu jera de imam-imam kepala du ngo oné Damsyik,

TOMBO PÉTÉ GORI DE RASUL-RASUL 6:9

Maik tua kolé pisa taus ata oné mai ro’éng Yahudi ata carod Libertini (ata ledo oné mai mendid) – isé oné mai Kiréné agu Aléksandria – cama laing agu pisa taus ata Yahudi oné mai Kilikia, agu oné mai Asia. Isé léwang taud agu hi Stéfanus,

TOMBO PÉTÉ GORI DE RASUL-RASUL 7:19

Raja hitu paké nggopét moléy, kamping uku dité agu pandé susa empo dité agu jera kébang anak wara disé, kudut isé néka mosés.

TOMBO PÉTÉ GORI DE RASUL-RASUL 9:14

Céwén kolé cé’é ho’o hia manga kuasan oné mai imam-imam kepala kudut deko sanggéd ata caro ngasang Dité.”

TOMBO PÉTÉ GORI DE RASUL-RASUL 9:21

Sanggéd ata situt dengé tombo hitu, lenget taungs agu mai taéd: “Cala hia ho’op ata kudut mbelé céing kaut ata caro ngasang de Mori Yésus oné Yérusalém? Agu toé weli mai cé’é ho’o diha kudut deko agu sorok isé oné ranga de imam-imam kepala?”

2 KORINTUS 11:32

Oné Damsyik, gubernur hitut téti le Raja Arétas, jera sanggén ata lami béndar Damsyik kudut deko akus.

GALATIA 1:17

Aku toé kolé ngok oné Yérusalém kudut cumang agu isét poli ciri rasuld bolon mai aku. Maik aku ngo oné tana Arab agu nitu maig holés kolé nggere-oné béndar Damsyik.