Walé li Pétrus agu isé: “Teserm ga, agu condo wekis te cebong oné ngasang de Mori Yésus Kristus kudut ampong ndékoks, ali hitu méu tiba nabit'N ngong Nai Nggeluk.
Ho’o ga, co’o tara sésénga’i kim hau? To’o ga, agu sendo wekim te cebong le waé serani agu sanggéd ndékokm pandé nggeluk ali caro ngasang de Mori Keraéng.
Og kali ngo nitun hi Ananias agu ocok oné mbaru hitu. Hia témba limén bétan sa’i di Saulus, mai taén: “Asé-ka’é daku Saulus, Mori Yésus hitut poli toto wekin agu hau oné salang hitut lagém, poli jera aku mai cé’é hau, kudut hau ngancéng ita koléh agu penong le Nai Nggeluk.”
Maik nuk disé poli ciri dempul. Ai dengkir leso ho’on rédung hitu ngai tadu ranga disén, émé bacang lisé reké manga hitu. Ai hanang oné nai ca anggit agu hi Kristus, rédung te tadu ranga hitu pandé si’angn.
Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.