TOMBO PÉTÉ GORI DE RASUL-RASUL 7:2 - Bahasa Manggarai New Testament

² Mai walé di Stéfanus: “Oé asé-ka’én, agu sanggés méu Ema, séngét di’a-di’am! Mori Keraéng hitut mengit poli toto wekiN agu emad empo dité hi Abraham du hia ngai oné Mésopotamian, du toé di ka’éng oné Haran,

TOMBO PÉTÉ GORI DE RASUL-RASUL 7:2 ပူးပေါင်းရင်းမြစ်များ

MATÉUS 6:13

néka dadé ami nggeroné damang, Maik tadang koé sanggéd da’at. [Ai Ité Morin perénta agu kuasa agu bong dengkir lén. Amén.]

LUKAS 2:14

“Bong kéta latang te Mori éta awang-ngkiang, agu hambor-meler oné lino latang te manusia situt henan agu Hia.”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 12:41

Curup ho’o di Yésaya ai hia poli ita dirapn agu poli curup latang te Hian.

TOMBO PÉTÉ GORI DE RASUL-RASUL 22:1

“Asé ka’én, agu ema-ema, séngét koé curup daku agu méu te kambé weki rug.”

TOMBO PÉTÉ GORI DE RASUL-RASUL 23:7

Du curup nenggitun hia, rodo léwang taud ata Parisi agu ata Saduki agu pati-péars ata do situ.

TOMBO PÉTÉ GORI DE RASUL-RASUL 7:1

Mai taé de Imam Mésé: “Tu’ung kéta nenggitu ko?”

1 KORINTUS 2:8

Toé manga oné-mai ata cau kuasa de lino ata pecing nggalas de Mori Keraéng, ai émé pecing lisé, toé panggol lisé Mori Yésus hitut mengit.

ÉFÉSUS 1:17

Tegi kolé laku oné Mori dité Yésus Kristus, kudut Hia widang koé Nai Nggeluk te si’ang Mori Keraéng oné méu wiga méu pecing tu’ung Hiam.

TITUS 2:13

Te ho’on ité rémé géréng leso hitut bengkes dité; du leso hitu lino ho’o te ita mengit de Yésus Kristus ngong Mori Keraéng Pu’un Kuasa agu Mori Sambé dité.

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 11:8

Le imbin, hi Abraham lorong bénta de Mori Keraéng te ngo nggere-oné tana hitut te tiba diha ciri tana mbatén. Itu kali ngon hia, koném toé mopo liha niay wan tana hitu.

JAMES 2:1

Asé-ka’é daku, ai ité ho’o ata imbi oné hi Yésus Kristus Mori dité hitut mengit, oné toto imbis néka nono momang ata.

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”