TOMBO PÉTÉ GORI DE RASUL-RASUL 6:9 - Bahasa Manggarai New Testament

⁹ Maik tua kolé pisa taus ata oné mai ro’éng Yahudi ata carod Libertini (ata ledo oné mai mendid) – isé oné mai Kiréné agu Aléksandria – cama laing agu pisa taus ata Yahudi oné mai Kilikia, agu oné mai Asia. Isé léwang taud agu hi Stéfanus,

TOMBO PÉTÉ GORI DE RASUL-RASUL 6:9 ပူးပေါင်းရင်းမြစ်များ

MATÉUS 10:17

Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

MATÉUS 23:34

Landing hitu lélo dé, Aku jera nabi-nabi ngo oné méu, isét nggalas agu ata pecing Taurat: iwod oné mai isé le méu mbelés agu pépék oné panggols, ata iwod te onggas le méu oné mbaru-mbaru ngaji agu pandé kélos le méu moséd, mai oné mai bendar ca agu bendar ca,

MATÉUS 27:32

Du isé lako nggerpé’ang béndar, isé cumang agu cengata oné mai Kiréné, ngasangn hi Simon. Dedek molé ata hitu lisé, te pola panggol de Mori Yésus.

MARKUS 13:9

Maik méu, jerék koém! Méu te mboték latam oné ranga de Adak Agama agu méu kudut ongga latam oné mbaru ngaji agu méu te ba oné ranga disét cau kuasa agu de raja-raja landing Akum, kudut ciri saka-si laing latang te isé.

LUKAS 21:12

Maik be bolon taung situ, méu te deko agu kélo-balém; méu te todang oné sanggéd taung mbaru ngajim, agu mbaru bui; agu méu te buang oné sanggéd raja agu isét manga kuasad, landing ngasang Daku.

TOMBO PÉTÉ GORI DE RASUL-RASUL 11:20

Maik oné mai isé manga pisa taus ata Siprus agu ata Kiréné ata poli imbid, cai oné Antiokhia agu tombo oné sanggéd ata curup Yunani agu keréba latang te Mori Yésus.

TOMBO PÉTÉ GORI DE RASUL-RASUL 13:1

Du hitu weki serani oné Antiokhia manga pisa taus nabi agu guru, ho’os: hi Barnabas agu hi Siméon ata caron hi Nigér, agu hi Lukius ata Kiréné agu hi Menahém ata ampil agu raja Hérodés agu hi Saulus.

TOMBO PÉTÉ GORI DE RASUL-RASUL 13:45

Maik du ita lata Yahudi lawa do situ, itus kali beti naid, agu cang agu loérd, isé léwang curup di Paulus.

TOMBO PÉTÉ GORI DE RASUL-RASUL 15:23

Isét sua so’o ata sa’i galan oné mai asé-ka’é situt ca imbi. Nggere-oné isé téi surak ata nggo’oy runingn: “Tabé oné mai ami rasul-rasul agu sanggéd ata tu’a laing agu oné mai sanggéd asé-ka’és kamping méu asé-ka’é oné Antiokhia, Siria agu Kilikia oné mai wa’u bana.

TOMBO PÉTÉ GORI DE RASUL-RASUL 15:41

Hia ngo lako léok tana Siria agu Kilikia cang agu pandé ndeng weki serani nitu.

TOMBO PÉTÉ GORI DE RASUL-RASUL 16:6

Isé liba tana Frigia agu tana Galatia, ai Nai Nggeluk ré’ing isé ba Keréba Di’a oné Asia.

TOMBO PÉTÉ GORI DE RASUL-RASUL 18:24

Lari nggitun cai cengata ata Yahudi oné Éfésus, ngasangn hi Apolos, ata oné mai béndar Aléksandria. Hia cengata ata pecing curup agu pecing taung icin Surak Nggeluk.

TOMBO PÉTÉ GORI DE RASUL-RASUL 19:10

Toing ata ho’o pandé liha tédéng sua ntaung. Wiga sanggéd ata Yahudi agu ata Yunani oné tana Asia, dengé keréba reweng de Mori Keraéngs.

TOMBO PÉTÉ GORI DE RASUL-RASUL 19:26

Te ho’on ita agu dengé le rus méu taé di Paulus. Toé hanang cé’é Éfésus, maik dengkir temu tana Asia, poli awar agu pandé wéléng ata do ali taé, apa ata pandé le limé de manusia toé ngancéng ciri déway.

TOMBO PÉTÉ GORI DE RASUL-RASUL 21:27

Du tiong te poli pitu leso hitu, sanggéd ata Yahudi situt mai oné mai tana Asia, ita hi Paulus oné Mbaru de Mori Keraéng, itu kali cocong ro’éngd agu deko hia,

TOMBO PÉTÉ GORI DE RASUL-RASUL 21:39

Mai walé di Paulus: “Aku ho’o ata Yahudik, oné mai béndar Tarsus, ro’éng oné mai béndar hitut mboun ngasangn oné tana Kilikia; tegi laku kudut sendo koé aku te curup oné ata do so’o.”

TOMBO PÉTÉ GORI DE RASUL-RASUL 22:19

Mai walé daku: Mori, baé lisé te aku ata ngo oné mbaru ngaji ca agu oné mbaru ngaji bana agu na’a oné buis isét imbi Ités agu ongga isé.

TOMBO PÉTÉ GORI DE RASUL-RASUL 22:3

“Aku ho’o ata Yahudik, loas oné Tarsus tana Kilikia, maik uwa oné béndar ho’ok. Toing di’a-di’ak li Gamaliél oné wintuk de empo dité, wiga aku ciri cengata ata seber gori latang te Mori Keraéng, cama ného sanggés méu te ho’on ga.

TOMBO PÉTÉ GORI DE RASUL-RASUL 23:34

Du poli bacang surak hitu, gubernur réi agu hi Paulus, oné mai béo nian hia. Du dengén liha te hi Paulus oné mai Kilikia,

TOMBO PÉTÉ GORI DE RASUL-RASUL 24:18

Du aku lari pandé taung situ, pisa taus ata Yahudi oné mai Asia, repéng aku lisé oné Mbaru de Mori Keraéng, du aku poli pandé nggeluk weki’g, toé baé lata do agu toé ngaok.

TOMBO PÉTÉ GORI DE RASUL-RASUL 26:11

Oné mbaru-mbaru ngaji, aku dondé wahéng isé agu denet isé kudut pali imbid agu ali cumpeng mésé aku dolong isé, ngot haéng oné béndar data.”

TOMBO PÉTÉ GORI DE RASUL-RASUL 6:10

maik isé toé ngancéng dungkang nai ngalis ata téing le Nai Nggeluk hitut susung hia te curup.

1 KORINTUS 1:20

Nias ata situt manga nggalasd? Nias ata situt pecing Taurat? Nias ata situt hoté-hatel lemad oné-mai lino ho’o? Toé weli Mori Keraéng poli pandé caling nggalas de lino ho’o te ciri bapa laing?

GALATIA 1:21

Poli hitu aku ngo oné tana Siria agu Kilikia.