TOMBO PÉTÉ GORI DE RASUL-RASUL 4:1 - Bahasa Manggarai New Testament

¹ Du hi Pétrus agu hi Yohanés rémé tombod agu ata do, sanggéd imam agu hiat tu’a lamin Mbaru de Mori Keraéng agu ata Saduki mai cumang isés.

TOMBO PÉTÉ GORI DE RASUL-RASUL 4:1 ပူးပေါင်းရင်းမြစ်များ

MATÉUS 16:12

Du hitud lisé pecingn betuan Diha: isé toé kudut sesenga’i agu ragi roti, maik latang te toing agu titong data Parisi agu Saduki.

MATÉUS 22:16

Isé jera ata nungku disé cama laing agu ata Hérodian kudut réi agu Hia: “Tuang Guru, baé lami Ité ata molor, agu molor kolé toing salang de Mori Keraéng, agu Ité toé manga rantang céing kautd, ai Ité toé manga pilé atad.

MATÉUS 27:20

Landing le sosok de imam-imam kepala agu taung ata tu’ad, lawa do situ buber kétas te tegi, kudut lego hi Barabas maik ala Mori Yésus.

MATÉUS 27:41

Nenggitu kolé loér de imam-imam kepala agu ata pecing Taurat agu sanggéd tu’a-tu’a, mai taéd:

MATÉUS 3:7

Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

LUKAS 20:1

Manga ca leso du Mori Yésus toing ata do oné Mbaru de Mori Keraéng agu wéro Keréba Di'a, mais Imam Kepala, ata pecing Taurat agu tu’a béo nitu,

LUKAS 22:4

Og ngon hi Yudas oné sanggéd imam kepala agu ata tu’a situt lami Mbaru de Mori Keraéng, te bantang agu isé, co’o molé hia ngancéng téing Mori Yésus oné isé.

YOHANÉS 15:20

Nuk dé apa hiot poli taé Laku agu méu: Cengata mendi toé kéta céwé teke éta oné mai morin. Émé isé poli pandé da’at Akud, isé kolé te pandé da’at méu; émé isé poli lut reweng Dakud, isé kolé te lut taé de méus.

YOHANÉS 18:3

Main kolé hi Yudas nitu agu lawa serdadu, agu ata lami Mbaru de Mori Keraéng, situt jera le imam kepala agu ata Parisi jemut agu lentéra, culu agu harat.

TOMBO PÉTÉ GORI DE RASUL-RASUL 4:6

agu Imam Mésé hi Hanas agu hi Kayafas, hi Yohanés agu hi Aléksandér agu sanggéd ata bana, isét waé de Imam Mésé.

TOMBO PÉTÉ GORI DE RASUL-RASUL 5:17

Itug kali wangkag Imam Mésé agu sanggéd ata lutn, isét ata Saduki, toto kuasad, ai isé guér kétas.

TOMBO PÉTÉ GORI DE RASUL-RASUL 5:24

Du Tu’a hitut lamin Mbaru de Mori Keraéng agu imam-imam kepala dengé baro hitu, bulés isé, latang te rasul-rasul situ agu réi apa péng ata jari laingn.

TOMBO PÉTÉ GORI DE RASUL-RASUL 5:26

Poli hitu, ngog tu’an agu sanggéd isét lami oné Mbaru de Mori Keraéng, og dadéd lisé rasul-rasul situ, maik toé onggas, ai rantangs isé, émé ata do situ peké isé le watu.

TOMBO PÉTÉ GORI DE RASUL-RASUL 6:12

Ali hitu isé sosok ata dos agu tu’a-tu’a agu ata pecing Taurat, isé deko hi Stéfanus, sorok hia agu dadé hia oné ranga de Adak Agama.

TOMBO PÉTÉ GORI DE RASUL-RASUL 6:7

Reweng de Mori Keraéng tambang bekan, agu tambang kéta dod ata nungku oné Yérusalém, agu manga kolé imam situt condo wekid agu imbis.