TOMBO PÉTÉ GORI DE RASUL-RASUL 3:18 - Bahasa Manggarai New Testament

¹⁸ Maik ali hitu Mori Keraéng poli rapak apa ata poli curup médé lut sanggéd nabin te Mésias hitut wuat Diha paka cukung susay.

TOMBO PÉTÉ GORI DE RASUL-RASUL 3:18 ပူးပေါင်းရင်းမြစ်များ

LUKAS 24:44

Hia curup agu isé: “Ho’op hiot curup Daku, ata poli taé Laku oné méu, du Aku ngai ka’éng cama agu méug, hitut paka cai olo taungs, situt poli tulis latang te Aku oné Surak Taurat di Musa, Surak de taung nabi, agu Mazmur.”

TOMBO PÉTÉ GORI DE RASUL-RASUL 10:43

Ngong Hia saka-si de sanggéd nabi, te céing kaut ata imbi Hia, te haéng ampong ndékok lut ngasang Diha.”

TOMBO PÉTÉ GORI DE RASUL-RASUL 2:23

Hia hiot téi le Mori Keraéng lorong nuk agu nanéngn, polig le méu panggoln agu poli mbelén lut limé de wa’u situt da’at.

TOMBO PÉTÉ GORI DE RASUL-RASUL 28:23

Itu kali isé reké ca leson latang te hi Paulus. Du leso hitu, mais isé logur kétas nggere-oné mbaru ka’éng diha Hia tombo taung agu téi saka-si oné isé latang te Mori Keraéng hitut perénta ného raja; agu lorong wintuk di Musa agu Surak de Nabi-nabi, hia tombo kudut imbi lisé Mori Yésus. Tombo hitu pu’ung gula main dengkir mané.

2 PÉTRUS 1:21

Toé dé’it manga keréba ata cir ali ngoéng de manusia, maik dod ata ba keréba de Mori Keraéng ali sur de Nai Nggeluk.

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”