TOMBO PÉTÉ GORI DE RASUL-RASUL 3:13 - Bahasa Manggarai New Testament

¹³ Mori Keraéng di Abraham, Ishak agu hi Yakob, Mori Keraéng de empo dité, poli bong ngasang de Mendi Run ngong Mori Yésus hitut téi de méu agu capu olo mai ranga di Pilatus koném po hi Pilatus beté-bicar kudut lego Hia.

TOMBO PÉTÉ GORI DE RASUL-RASUL 3:13 ပူးပေါင်းရင်းမြစ်များ

MATÉUS 11:27

Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

MATÉUS 20:19

Agu isé te téing hia oné uku so’ot toé pecing Mori Keraéng, kudut Hia loér latay, luca agu panggoly, maik leso te telun Hia mosé koléy.”

MATÉUS 22:32

Akuy Mori Keraéng di Abraham, Mori Keraéng di Ishak, agu Mori Keraéng di Yakub? Hia toé Mori Keraéng data matay, maik Mori Keraéng data moséy.”

MATÉUS 27:2

Isé ranté Hia, itu kali todangn agu téing oné hi Pilatus, wakél de adak Roma itu.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

MARKUS 15:11

Maik sanggéd imam kepala sosok lawa do, kudut tegi lego hi Barabas latang te isé.

LUKAS 22:57

Maik pali li Pétrus, mai taén: “Toé ta, aku toé pecing Hiak.”

LUKAS 23:4

Mai taé di Pilatus ngong sanggén taung imam kepala, agu sanggéd lawa do: “Aku toé manga dumpu sala koé cekoén oné ata ho’o.”

LUKAS 6:37

“Méu kolé néka bicar atam, wiga méu kolé toé bicarm le Mori Keraéng. Méu néka wahéng ata, wiga méu kolé toé wahéngm le Mori Keraéng. Méu paka ampong ata, wiga méu kolé tiba ampongm.

YOHANÉS 12:16

Du wangkan, ata nungku de Mori Yésus toé pecing lisé latangt sanggéd situ, maik du poli bongn lata Mori Yésus, itu di nukn lisé te hitu poli tulisn ngong Hia agu poli pandén kole lisé latang te Hia.

YOHANÉS 18:40

Mai kolé ciék disé: “Néka ata ho’o, maik hi Barabas!” Hi Barabas ho’o cengata ata rampoky.

YOHANÉS 19:11

Mai walé de Mori Yésus: “Hau toé manga kuasa koé cekoém latang te Aku, émé kuasam hitu toé téing éta main. Landing hitu, hia hitut téing Aku nggere-cé’é ranga de hau; céwé méséy ndékokn.”

YOHANÉS 19:12

Pu’ung nitu main hi Pilatus anor te lego Hia, maik sanggéd ata Yahudi ciéks: “Émé lego lité ata ho’o, laing ité toé haé reba di Kaisért. Néténg ata situt rékéng weki rud ného rajay, ata hitu lawang Kaiséry.”

YOHANÉS 19:15

Itug kali ciékd isé: “Mbér Hia! Mbér Hia! Pangkot oné panggol Hia!” Mai taé di Pilatus ngong isé: “Paka pangkot oné panggol laku Rajas ko?” Mai walé de imam kepala: “Ami toé manga Rajagm, hanang Kaisér kali!”

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

TOMBO PÉTÉ GORI DE RASUL-RASUL 22:14

Itu kali mai taen: Mori Keraéng empo dité poli wérét hau kudut pecing ngoéng Diha, kudut lélo Ata Molor agu kudut séngét reweng ata pé’ang oné mai mu’u Diha.

TOMBO PÉTÉ GORI DE RASUL-RASUL 24:14

Maik tura laku oné ité te aku suju Mori Keraéng empo dami ali lut Salang de Mori Keraéng, ngong Salang ata caro lisé aliran. Aku imbi sanggéd taung situt poli tulis oné wintuk Taurat agu oné Surak de Nabi-nabi.

TOMBO PÉTÉ GORI DE RASUL-RASUL 3:12

Du ita hitu li Pétrus, mai taén agu ata do situ: “Oé ata Israél, co’o tara lenget laingn le méu tanda lenget hitu agu co’o tara lélo ami, néhot lami kétag pandé lako kolén ata ho’o ali kuasa ko nggeluk dami?

TOMBO PÉTÉ GORI DE RASUL-RASUL 3:26

Latang te méu muing laring cain Mori Keraéng pandé mosé kolé Mendi-Run agu wuat Liha latang te méu, kudut Hia berkak méu agu pandé holés kolé méu oné mai sanggéd da’at.”

TOMBO PÉTÉ GORI DE RASUL-RASUL 4:27

Ai cetu’ungn poli nempung oné béndar ho’o hi Hérodés agu hi Ponsius Pilatus agu sanggéd uku agu néténg panga Israél, dungkang Mori Yésus, Mendim hitut nggeluk agu Ata Palas le Rum

TOMBO PÉTÉ GORI DE RASUL-RASUL 4:30

Los koé limé Dité te pandé ina sanggén ata, agu pandé koé sanggéd tanda agu tanda lenget le ngasang de Mori Yésus, Mendi-Rum hitut nggeluk.

TOMBO PÉTÉ GORI DE RASUL-RASUL 7:32

Aku Mori Keraéng, empo de hau, Mori Keraéng di Abraham, di Ishak agu di Yakub. Jejer hi Musa agu toé cung te lélo.

ROMA 9:5

Isé waé de empo ata loas Mésias. Hia béta-mai sanggéd cao-ca. Hia hitu Mori Keraéng ata patun te naring tédéng lén. Amén!

IBRANI 2:9

Ata ita dité kali, te Mori Yésus cerepa-mata kauty céwé radak oné-mai sanggéd malékat. Ali susa mésé, Hia te pandé lonto oné osang mengit agu hiang kéta. Landing le tabing de Mori Keraéng, Hia matay latang te sanggén manusia.

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.