TOMBO PÉTÉ GORI DE RASUL-RASUL 27:2 - Bahasa Manggarai New Testament

² Ami léti ca kepal oné mai Adramitium ata kudut ngo oné osang baté asi de kepal oné lupi nanga Asia, itu kali lako’gm. Hi Aristarkhus cengata ata Makédonia, oné mai Tésalonika cama laing agu ami.

TOMBO PÉTÉ GORI DE RASUL-RASUL 27:2 ပူးပေါင်းရင်းမြစ်များ

LUKAS 8:22

Manga ca leso Mori Yésus ngo oné wangka, cama laing agu ata nungkun, mai taé Diha ngong isé: “Ité bisé ngo besina mai sanot,” itu kali ngod.

TOMBO PÉTÉ GORI DE RASUL-RASUL 16:17

Hia lut hi Paulus agu ami be musi main, agu ciékn: “Ata so’o mendi de Mori Keraéng ata Langkas kéta. Isé keréba salang selamak latang te méu.”

TOMBO PÉTÉ GORI DE RASUL-RASUL 17:1

Hi Paulus agu hi Silas lako lagé salang Amfipolis agu Apolonia agu cai oné Tésalonika. Nitu manga ca mbaru ngaji data Yahudi.

TOMBO PÉTÉ GORI DE RASUL-RASUL 19:19

Do kolé oné mai isé ata poli dé’it pandé mbeko, nekek taungs surak-surakd, itu kali tapa taungs olo mai ranga data do. Émé pikas surak situ aik lima mpulu sebu séng pérak.

TOMBO PÉTÉ GORI DE RASUL-RASUL 19:29

Sanggén taung ata oné béndar cirik cebels agu isé ramé-ramé ngo oné mbaru nempung de lawa do agu sorok hi Gayus agu hi Aristarkhus, isét sua so’o ata Makédonia agu haé lako di Paulus.

TOMBO PÉTÉ GORI DE RASUL-RASUL 2:9

Ité ho'o ata Partia, Média, Élam, ata Mésopotamia, Yudéa agu Kapadokia, Pontus agu Asia,

TOMBO PÉTÉ GORI DE RASUL-RASUL 21:5

Maik du polig leson ka’éng cama, ami lako rudakm. Sanggéd ata nungku agu winad, anakd, podo ami haéng pé’ang mai béndar; oné lupi nanga ami tikul te ngaji cama laing.

TOMBO PÉTÉ GORI DE RASUL-RASUL 28:10

Isé hiang kéta amis, agu du lakog ami, isé mengkek taung ata sékék dami.

TOMBO PÉTÉ GORI DE RASUL-RASUL 28:12

Ami cénggo oné Sirakusa agu ka’éng nitu tédéng telu leso.

TOMBO PÉTÉ GORI DE RASUL-RASUL 28:16

Du cai’gm ami oné Roma, hi Paulus sendo te ka’éng oné mbaru de run cama laing agu cengata tentera ata loréng hia.

TOMBO PÉTÉ GORI DE RASUL-RASUL 28:2

Ata ngara tana oné nuca hitu, di’a kétas agu ami. Isé keté api agu awar sanggég taung ami ngo nitu ai wangkag cain usang agu cés kéta.

KOLOSÉ 4:10

Tabé latang te méu oné-mai hi Aristarkhus, haé réba ata bui agu aku, agu oné-mai hi Markus bangkong di Barnabas – latang te hia méu poli tiba pedé; tiba koé hiam, émé hia mai oné méuy –

FILÉMON 1:24

agu oné-mai hi Markus, hi Aristarkhus, hi Démas agu hi Lukas, haé-reba ca gori agu aku.