TOMBO PÉTÉ GORI DE RASUL-RASUL 22:4 - Bahasa Manggarai New Testament

⁴ Aku poli pandé kosé ata lorong Salang de Mori Keraéng dengkir agu isé matas. Ata rona agu iné waid dekos laku agu téis laku oné bui.

TOMBO PÉTÉ GORI DE RASUL-RASUL 22:4 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 16:17

Hia lut hi Paulus agu ami be musi main, agu ciékn: “Ata so’o mendi de Mori Keraéng ata Langkas kéta. Isé keréba salang selamak latang te méu.”

TOMBO PÉTÉ GORI DE RASUL-RASUL 18:26

Wangkag hia toing agu toé rantangy oné mbaru ngaji. Maik du dengé li Priskila agu hi Akwila, og dadén lisé nggere-oné mbarud agu mbajik kéta si’ang oné hia Salang de Mori Keraéng.

TOMBO PÉTÉ GORI DE RASUL-RASUL 19:23

Aik du hitug wangkan ngai-ngaok mésé latang te Salang de Mori Keraéng.

TOMBO PÉTÉ GORI DE RASUL-RASUL 19:9

Maik manga pisa taus ata teger kid naid. Isé toé gorid te imbi kaut, ngot pocu kali Salang de Mori Keraéng olo mai ranga data do. Landing hitu hi Paulus legong isé kudut cama-cama agu ata nungkun ngo toing ata oné mbaru sekola Tiranus.

TOMBO PÉTÉ GORI DE RASUL-RASUL 24:14

Maik tura laku oné ité te aku suju Mori Keraéng empo dami ali lut Salang de Mori Keraéng, ngong Salang ata caro lisé aliran. Aku imbi sanggéd taung situt poli tulis oné wintuk Taurat agu oné Surak de Nabi-nabi.

TOMBO PÉTÉ GORI DE RASUL-RASUL 7:58

Isé poto hia nggere-pé’ang mai béndar, agu pu’ung pekén hia le watu. Sanggéd taung ata saka-sin na’a jubad olo-mai wa’i de cengata ata reba, ngasangn hi Saulus.

TOMBO PÉTÉ GORI DE RASUL-RASUL 9:21

Sanggéd ata situt dengé tombo hitu, lenget taungs agu mai taéd: “Cala hia ho’op ata kudut mbelé céing kaut ata caro ngasang de Mori Yésus oné Yérusalém? Agu toé weli mai cé’é ho’o diha kudut deko agu sorok isé oné ranga de imam-imam kepala?”

1 KORINTUS 15:9

Ai aku kéta ata céwé bocikn oné-mai rasul, agu toé patun te caro rasul, ai aku poli mbelé weki serani de Mori Keraéng.

GALATIA 1:13

Ai polig dengén le méu mosé daku danong oné agama Yahudi: Toé kéta ké’éts laku wahéngd ro’éng de Mori Keraéng agu wuli weki daku kudut pandé ampus taung isé.

PILIPI 3:6

Le ndengn cau adak Taurat, wiga aku buber kéta te wahéng weki serani. Jari, émé rékéng latang te molor oné adak Taurat, aku toé manga celag.

2 PÉTRUS 2:2

Dodg ata poli lut mosé de guru tangké situt kuasa le belek da’at. Landing le pandé da’at disé, Salang Molor hitu loéry lata.