TOMBO PÉTÉ GORI DE RASUL-RASUL 20:3 - Bahasa Manggarai New Testament

³ Du telu wulang ata polin ka’éng nitun, hia kudut lajar nggere-oné tana Siria. Maik du hitu ata Yahudi nanang te mbelé hia. Landing hitu wérét liha kudut kolé palé Makédonia.

TOMBO PÉTÉ GORI DE RASUL-RASUL 20:3 ပူးပေါင်းရင်းမြစ်များ

MATÉUS 4:24

Wéron ngasang Diha labok tana Siria, dadé néng lisé nggeroné Hia sanggén ata so’ot riwi-rowos, ata so’ot beti da’at, ata iling le jing da’at, ata beti le ru’u mona, agu ata péko, mai Mori Yésus pandé ina taungs.

TOMBO PÉTÉ GORI DE RASUL-RASUL 16:12

Nitu maig’m ami ngo oné Filipi, béndar laring cain oné Makédonia ho’o, ca béndar long data Roma. Oné béndar hitu ami ka’éng pisa leso béhéngn.

TOMBO PÉTÉ GORI DE RASUL-RASUL 16:9

Le wié ita li Paulus oné urén: manga cengata ata Makédonia hesé nituy agu tegi oné hia: “Limbang koé nggere-cé’ét agu campé koé ami.”

TOMBO PÉTÉ GORI DE RASUL-RASUL 18:18

Hi Paulus ka’éng pisa lesoy oné béndar Korintus. Itug kali pele-kana oné asé-ka’é situt ca imbi nitu agu lajar nggere-oné Siria, du poli longké wukn oné Kéngkréa ai hia cemol radin ga. Hi Priskila agu hi Akwila cama-cama agu hia.

TOMBO PÉTÉ GORI DE RASUL-RASUL 19:21

Du polin raja hitu, ali sur de Nai Nggeluk, hi Paulus wérét kudut ngo oné Yérusalém palé tana Makédonia agu Akhaya. Mai taén: “Poli la’at nitug, aku kolé paka ngo pé’ang Roma.”

TOMBO PÉTÉ GORI DE RASUL-RASUL 20:1

Du likn ngai-ngaok hitu, hi Paulus béntas ata nungkun te pandé metek naid. Du poli pele-kanan, hia ngo oné Makédonia.

TOMBO PÉTÉ GORI DE RASUL-RASUL 20:19

Ali jinggo aku wintuk latang te Mori Keraéng. Oné wintuk hitu aku dongkalig loda lu’u matag, ai dongkalig damang lata Yahudi situt nanang mbelé akus.

TOMBO PÉTÉ GORI DE RASUL-RASUL 20:2

Hia lako-léok tana hitu agu ali do kéta toingn pandé ndeng nai de asé-ka’é situt ca imbis. Itug kali cain oné tana Yunani.

TOMBO PÉTÉ GORI DE RASUL-RASUL 21:3

Poli hitu ita nuca Siprus baling racap léo, maik lagé kaut lami agu ngo oné tana Siria. Cemoln ga caikm ami oné Tirus, ai sanggéd ceca oné-mai kepal paka wa’u oné béndar hitu.

TOMBO PÉTÉ GORI DE RASUL-RASUL 25:3

Oné hia tegi lisé can tabing ata pandé calang hi Paulus kudut jera hi Paulus ngo oné Yérusalém. Ai isé lari bantang kudut mbelé hia oné bahi-réha salang.

2 KORINTUS 1:15

Landing le imbi ho’o, aku tombo oné méu te manga dé’it get daku olo te ngo la’at méu, kudut méu ngancéng tiba widang te suangkalin.

2 KORINTUS 11:26

Du lari lakog aku, dondé kéta ngetek le waé-wa’a agu copél oné-mai rampok lata, copél oné-mai ata Yahudi agu oné-mai ata toé Yahudi, copél oné béndar, copél oné satar-mambak, copél oné bahi-réha tacik agu copél oné mai asé-ka’é so’ot tangké.

2 KORINTUS 7:5

Du cai oné tana Makédonia, nai dami toé kéta manga merepn. Nia-nia kaut wan ami cumang agu susa: niat léwang tau mai pé’ang maid, niat simpung oné-mai nai.

GALATIA 1:21

Poli hitu aku ngo oné tana Siria agu Kilikia.