TOMBO PÉTÉ GORI DE RASUL-RASUL 2:40 - Bahasa Manggarai New Testament

⁴⁰ Ali dod kolé tombo bana, hia téing saka-sin agu duduk isé, mai taén: “Téing ga wekim te selamak oné mai ata weki da’at so’o.”

TOMBO PÉTÉ GORI DE RASUL-RASUL 2:40 ပူးပေါင်းရင်းမြစ်များ

MATÉUS 12:34

Oé méut waé de ular mbangi, co’o méu ngancéng pa’u go’ét ata di’an, égém weki rus méu da’ats! Ai situt go’ét de mu’u, tua oné mai tukad.

MATÉUS 16:4

Ata uwa so’ot da’at agu toé junggu so’o, soléng kéta can tanda. Landing latang te isé, toé kéta téing tanda cedion agu tanda de nabi Yunus.” Itu kali Mori Yésus legong isé agu ngon.

MATÉUS 17:17

Maig taé de Mori Yésus: “Oé, méu ho’ot toé imbi agu ata wéléng, cai nia kolé di Aku paka ka’éng agu méug? Du nia kolé di Aku paka lembak agu méug? Dadé cé’é anak hitu.”

MATÉUS 23:33

Oé méut ular, oé méut waé de ular mbangi! Co’o méu kong mo’éngs, oné mai wahéng de api neraka?

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

LUKAS 16:28

ai manga lima kid asé-ka’é daku, kudut hia langi kéta tu’ung isé, kudut isé néka mai oné osang ho’os tai.

LUKAS 21:36

Ambi koém, cang agu ngaji mtaung kudut méu delék mberes kudut cépé oné mai sanggéd situt kudut jaris, agu kudut méu ngancéng ta’ong hesé bolo mai ranga de Anak Manusia.”

YOHANÉS 21:25

Ngai do kid kolé sanggéd situt iwod ata pandé le Mori Yésus, maik émé sanggéd situ paka tulis taungs pijir kétas, nuk daku bo anggatn lino ho’o toé remo te na’a sanggéd situt paka tulis.

TOMBO PÉTÉ GORI DE RASUL-RASUL 10:42

Hia poli jera ami ba keréba oné sanggén wa’u Yahudi hitu, agu téi saka-si te Hia hitu poli tétin le Mori Keraéng te ciri Adak latang te ata mosé agu ata mata.

TOMBO PÉTÉ GORI DE RASUL-RASUL 15:32

Hi Yudas agu hi Silas, woko nabi kolés isé, do kolé pandé lémbud latang te asé-ka’é ca imbi situ agu pandé ndeng imbi disé.

TOMBO PÉTÉ GORI DE RASUL-RASUL 20:11

Du kolén nggere-éta lo’ang, hi Paulus pati-pati roti poli hitu hang camas; du poli hang, hia ruda olo kin tombon dengkir agu parn leso. Poli hitu hia ngon.

TOMBO PÉTÉ GORI DE RASUL-RASUL 20:2

Hia lako-léok tana hitu agu ali do kéta toingn pandé ndeng nai de asé-ka’é situt ca imbis. Itug kali cain oné tana Yunani.

TOMBO PÉTÉ GORI DE RASUL-RASUL 20:21

Aku kolé téi saka-si oné ata Yahudi agu ata Yunani kudut isé teser oné Mori Keraéng, agu imbi oné Mori Yésus.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

TOMBO PÉTÉ GORI DE RASUL-RASUL 20:9

Cengata ata reba ngasangn hi Éutikhus lonto lupi jendélay. Ali béhéng bailn tombo di Paulus, toég ta’ong dendutn ata reba hitu. Cemoln ga toko temo hia, agu pa’u éta mai lo’ang te telun nggere-wa. Du tetin lata, kali polig rowan.

TOMBO PÉTÉ GORI DE RASUL-RASUL 28:23

Itu kali isé reké ca leson latang te hi Paulus. Du leso hitu, mais isé logur kétas nggere-oné mbaru ka’éng diha Hia tombo taung agu téi saka-si oné isé latang te Mori Keraéng hitut perénta ného raja; agu lorong wintuk di Musa agu Surak de Nabi-nabi, hia tombo kudut imbi lisé Mori Yésus. Tombo hitu pu’ung gula main dengkir mané.

TOMBO PÉTÉ GORI DE RASUL-RASUL 4:36

Nenggitu kolé hi Yosép hitut le rasul-rasul caron hi Barnabas, ngong anak lémbu, cengata ata Lewi, ata loas oné Siprus.

2 KORINTUS 5:20

Jari, ami ho’o ata wuat li Kristus, néhot Mori Keraéng toing méu lut ami. Le ngasang di Kristus ami tegi oné méu: Téi koé wekis te hambor agu Mori Keraéng.

2 KORINTUS 6:17

Landing hitu: Pé’ang méu oné mai bahi-réha isé agu hedongm oné mai isé curup de Mori Keraéng, agu néka cégot apa siot rinek kali Aku te tiba méu.

GALATIA 5:3

Aku taé cangkalin kolé, néténg ata hitut lorong wintuk sunat, te hia hitu paka lorong sanggéd wintuk Taurat.

ÉFÉSUS 4:17

Le ngasang de Morin, aku taé agu si’ang tu’ung oné méu: Néka mosé ného ata siot toé pecing Mori Keraéng agu nuk ata toé manga betuad.

PILIPI 2:15

Ali hitu, méu ciri anak de Mori Keraéng ata toé copél agu toé manga celas ného ata nai da’at agu ata wéléng de uwa ho’o, wiga méu manga néram te gérak oné bahi-réha isé, ného néra de ntala,

TÉSALONIKA 2:11

Pecing le méu ami ho’o, cama ného ema latang te sanggéd anakn, poli toing agu pandé mberes nai oné néténg-néténg méu.

2 TIMOTÉUS 4:16

Jerék koé ba wekim agu sanggéd toingm. Tejo koéh oné pandé sanggéd taung situ, ai ali hitu hau te selamak weki rum agu selamak ata séngét.

1 PETRUS 5:12

Létang li Silwanus asé-ka’é ca imbi ata junggu, tulis wokok kaut laku surak ho’o latang te méu. Kudut toing agu imbi le méu, te ho’oy widang ata tu’ung-tu’ung oné-mai Mori Keraéngn. Hesé lencek koém oné widang hitu!