TOMBO PÉTÉ GORI DE RASUL-RASUL 2:23 - Bahasa Manggarai New Testament

²³ Hia hiot téi le Mori Keraéng lorong nuk agu nanéngn, polig le méu panggoln agu poli mbelén lut limé de wa’u situt da’at.

TOMBO PÉTÉ GORI DE RASUL-RASUL 2:23 ပူးပေါင်းရင်းမြစ်များ

MATÉUS 20:19

Agu isé te téing hia oné uku so’ot toé pecing Mori Keraéng, kudut Hia loér latay, luca agu panggoly, maik leso te telun Hia mosé koléy.”

MATÉUS 26:24

Anak Manusia ata ngo muingy, duha ného ata poli tulis latang te Hia, landing mata oloy ata hitut liha tara téingn Anak Manusia. Céwé di’an ata hitu émé néka loasy.”

MATÉUS 27:35

Du poli pépékn Hia oné panggol, itus kali pati lisé ceca pakén le téka-nampo.

MARKUS 15:24

Poli hitu pépék lisé Hia oné panggol, og kali pati lisé ceca paké Diha, ali téka-nampo molé.

LUKAS 22:22

Ai Anak Manusia ata itan muing te ngoy, ného hiot baté wérétn, maik calang ata hitut liha Hia tara téingn.”

LUKAS 22:37

Ai Aku taé agu méu: hitut tulis de Surak Nggeluk, paka cai olo oné Akus: ‘Hia te bilang neki agu isét raha do.’ Ai apa situt poli tulis latang te Aku, laing kéta pandé cai olod.”

LUKAS 23:33

Du caid oné osang hitut ngasangn Toko Longkor, isé pépék Mori Yésus nitu du panggol, agu ata da’at situ sua, cengata oné racap wanangN, agu hiat cengata oné racap léoN.

LUKAS 24:20

Maik imam kepala agu tu’ad uku dami, poli téing Hia te wahéng mata muingy, agu isé poli pépék Hia oné panggol.

YOHANÉS 19:18

Nitu Hia pépék oné panggoln lisé, cama-cama agu Hia kolé manga suad ata bana, cecupu agu cecupu, Mori Yésus oné be réhay.

YOHANÉS 19:24

Landing hitu mai taé cama taud: “Néka wirot gici koé lité, maik nampo moléy lité kudut céing ata delékn. Ai nenggitu ata kopn kudut cai olon apa hitut tulis oné Surak Nggeluk: “Isé pati ceca paké Daku néténg-néténg isé agu le téka nampo moléy juba Daku.” Nenggitu de ata poli pandé le serdadu situ.

TOMBO PÉTÉ GORI DE RASUL-RASUL 13:27

Maik, sanggéd weki oné Yérusalém agu sanggéd taung ata tu’a laing, toé tiba Mori Yésus, ngot pandé mata Hia, kudut rapak curup de sanggéd nabi ata bacang lété leso sabat.

TOMBO PÉTÉ GORI DE RASUL-RASUL 15:18

ata poli pecing du pu’ungn.

TOMBO PÉTÉ GORI DE RASUL-RASUL 2:36

Jari, sanggéd wa’u Israél paka getok kéta pecingd te Mori Keraéng poli pandé Mori Yésus hitut panggol de méu, ciri Mori Keraéng agu hi Kristusy.”

TOMBO PÉTÉ GORI DE RASUL-RASUL 3:18

Maik ali hitu Mori Keraéng poli rapak apa ata poli curup médé lut sanggéd nabin te Mésias hitut wuat Diha paka cukung susay.

TOMBO PÉTÉ GORI DE RASUL-RASUL 4:28

kudut pandé sanggéd cao-ca situt poli letid du pu’ung le kuasa agu ngoéng Rum.

TOMBO PÉTÉ GORI DE RASUL-RASUL 5:28

taén: “Ré’ing da’at kétap méu lami te toing oné Ngasang hitu. Kali po méu poli labokn Yérusalém ali toings, agu méu kolé kudut tanggong dara Data hitu oné ami.”

TOMBO PÉTÉ GORI DE RASUL-RASUL 5:30

Mori Keraéng empo dité, poli pandé mosé kolé Mori Yésus hitut mbelé de méu, ali wéo Hia oné haju panggol.

TOMBO PÉTÉ GORI DE RASUL-RASUL 7:52

Céing oné mai sanggéd nabi ata toé wahéngs le empo de méu? Ngot isé mbelé sanggéd ata siot ba keréba, main Cengata Ata Molor, ho’ot polig le méu wahéngn agu mbelén.

ROMA 2:12

Ai sanggéd ata ndékok ali toé pecing wintuk Taurat, te wahéng taungs toé le lut wintuk Taurat. Agu sanggéd ata ndékok situt lorong wintuk Taurat te beté-bicars lut wintuk Taurat.

ROMA 4:17

cama ného manga ata poli tulis: “Hau poli petokn Laku ciri ema de uku do” – oné ranga de Mori Keraéng, hitut imbi li Abraham. Mori Keraéng hitut pandé mosé kolé ata mata agu le curup’N kaut apa ata toé manga, cirik manga.

TÉSALONIKA 2:15

Ngot ata Yahudi situ poli mbelé Mori Yésus agu sanggéd nabi agu poli wahéng amid. Apa ata henan oné Mori Keraéng toé manga pingan lisé, agu sanggén ata kodo taungs lisé.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

1 PETRUS 1:20

Hi Kristus hitu, poli pilén le Mori Keraéng du toéd dédék lino. Du tiong leso cemol de lino, Hia mai koley kudut méu tiba selamak.

1 PETRUS 2:8

Hia ciri watu te timpok isé, ai isé toé lorong reweng de Mori Keraéngs. Hitu muing wérétd isé le Mori Keraéng.

YUDAS 1:4

Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.