TOMBO PÉTÉ GORI DE RASUL-RASUL 2:11 - Bahasa Manggarai New Testament

¹¹ ata Yahudi agu isét lorong imbi data agama Yahudi, ata Kréta agu ata Arab, dengé lité tombo disé oné curup de rud ité latang te pandé situt mésé le Mori Keraéng.”

TOMBO PÉTÉ GORI DE RASUL-RASUL 2:11 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 2:10

Frigia agu Pamfilia, Mesir agu tana Libia ata ruis agu Kiréné, ata long pé’ang mai Roma,

TOMBO PÉTÉ GORI DE RASUL-RASUL 2:12

Sanggéd taung isé lenget kétas agu siwi-sok tombo cama taud: “Ngong apa ho’o gé?”

TOMBO PÉTÉ GORI DE RASUL-RASUL 27:12

Ai osang baté asi de kepal hitu toé kop kudut asi kepal lawang cekeng cés, do oné mai isé éng kaut kudut lajar kid agu damang kudut cai oné béndar Feniks, kudut ka’éng nitus lawang cekeng cés. Béndar Féniks ca osang asi kepal oné nuca Kréta, ata lénga nggere-salé.

TOMBO PÉTÉ GORI DE RASUL-RASUL 27:13

Du hitu buru sesol sili mai. Bet disé te apa ata nuk lisé toét-toé haéngy. Isé rongkas jangkar itu kali lajar ruis kéta lupi nanga Kréta.

TOMBO PÉTÉ GORI DE RASUL-RASUL 27:7

Tédéng pisa leso ami lajar, géréng toé ngancéng nggere-olog ami, agu nai-koégm cai oné Knidus. Ali buru caka ami te nggere-olokm, ami lajar lupi nanga Kréta lagé jok Salmoné.

1 KORINTUS 12:10

Oné hiat cengata Nai Nggeluk téi kuasa latang te pandé tanda lenget, agu latang te ata iwod téi widang latang te ba pedé agu latang te ata iwod kolé téi widang latang te pecing nias widang onémai Nai Nggeluk agu nias widang onémai jing da’at. Oné hiat cengata téi widang mu’u luju agu lema emas, agu oné ata iwod téi widang latang te pecing betuad mu’u luju agu lema emas hitu.

1 KORINTUS 12:28

Mori Keraéng poli wérét pisa taus ata oné-mai weki serani: laring cain ciri rasul, te suan ciri nabi, te telun ciri guru. Rudan ga, isét manga tiba widang latang te pandé tanda lenget, pandé ina ata beti, latang te keturu laing, latang te titong ata, agu latang te mu’u luju agu lema emas, ko latang te pecing betuan mu’u luju agu lema emas hitu.

GALATIA 1:17

Aku toé kolé ngok oné Yérusalém kudut cumang agu isét poli ciri rasuld bolon mai aku. Maik aku ngo oné tana Arab agu nitu maig holés kolé nggere-oné béndar Damsyik.

GALATIA 4:25

Hi Hagar hitu cama ného poco Sinai oné tana Arab, agu hia cama ného béndar Yérusalém agu sanggéd ro’éngn, ata te ho’on ciri mendi.

TITUS 1:12

Cengata oné-mai isé ata rékéng ného cengata nabi, manga dé’id taén, “Tama laing méut Kréta ata nggopét, kaka rani, agu bot mboros maik ngondé da’at.”

TITUS 1:5

Aku poli ledong hau oné Kréta, betuan kudut hau papong apa ata paka wintuk le hau, agu kudut téti ata tu’a laing de weki serani oné néténg béndar.

IBRANI 2:4

Mori Keraéng kolé pandé ndeng saka-si disé ali sanggéd tanda lenget, ali dod si’ang kuasa agu widang de Nai Nggeluk ata pati-péars Liha lorong ngoéngN.