TOMBO PÉTÉ GORI DE RASUL-RASUL 18:8 - Bahasa Manggarai New Testament

⁸ Maik hi Krispus, tu’an mbaru ngaji hitu, imbi oné Mori Yésus cama laing agu sanggéd haé mbarun agu do kolé ata Korintus situt dengé keréba di Paulus ciri imbis agu cebong le waé seranis.

TOMBO PÉTÉ GORI DE RASUL-RASUL 18:8 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 11:14

Hia te ba keréba di’a latang te méu agu sanggéd haé mbarus te selamakm.

TOMBO PÉTÉ GORI DE RASUL-RASUL 8:12

Maik te ho’on isé imbi hi Pelipus hitut ba Keréba Di’a latang te Adak de Mori Keraéng agu latang te Mori Yésus Kristus agu cebong isé le waé serani, ata rona agu iné-wai.

TOMBO PÉTÉ GORI DE RASUL-RASUL 18:17

Itug kali isé ngo léok hi Sosténés, tu’a de mbaru ngaji, itu kali onggan lisé olo mai ranga de adak hitu, maik hi Galio toé pinga pandé disé situ.

TOMBO PÉTÉ GORI DE RASUL-RASUL 16:34

Itu kali hia dadé isé nggere-oné mbarun agu pandé lompong latang te isé. Agu hia naka kétay ai hia agu sanggéd ata oné mbarun poli imbi Mori Keraéng.

TOMBO PÉTÉ GORI DE RASUL-RASUL 13:15

Du poli bacang oné mai Wintuk Taurat agu surak de sanggéd nabi, isét wintuk laing oné mbaru ngaji réi agu isé: “Asé-ka’én, émé manga tombo oné mai méu, kudut pandé mberes ro’éng so’o, tombo ga!”

TOMBO PÉTÉ GORI DE RASUL-RASUL 10:2

Hia nggelukn, agu sanggéd ata oné mbarun hiang Mori Keraéng agu dongkalin téi reco oné ata Yahudi agu dondé ngaji kamping Mori Keraéng.

MARKUS 5:35

Rémé kéta curupn Mori Yésus, caid ata oné mai mbaru de kepala mbaru ngaji hitu agu mai taéd: “Anak dité rowa gi, te co’o koléd ité cégotn keraéng Guru?”

MARKUS 5:22

tuan kolé cengata kepala mbaru ngaji, ngasangn hi Yairus. Du cumangn liha Mori Yésus, tikul hia wa wa’i Diha,

MATÉUS 28:19

Landing hitu ngom ga, pandé koé ciri ata nungku Dakus sanggéd ata agu cebong koé isé le méu, le ngasang de Ema, agu de Anak, agu de Nai Nggeluk,

TOMBO PÉTÉ GORI DE RASUL-RASUL 18:1

Poli hitu hi Paulus legong Aténa, itu kali ngo oné Korintus.

TOMBO PÉTÉ GORI DE RASUL-RASUL 19:1

Du hi Apolos manga kin oné Korintus, hi Paulus polig lako-léok temu tana hitu agu cai oné Efésus. Nitu cumangs liha pisa taus ata nungku.

1 KORINTUS 1:2

latang te weki serani de Mori Keraéng oné Korintus. Weki serani situ poli pandé nggelukd agu poli béntad te ciri ata nggeluks landing hi Kristus Yésus. Agu sanggén ata néténg osang, ata ngaji le ngasang de Mori Keraéng dité hi Yésus Kristus, Mori disé agu Mori dité.

2 KORINTUS 1:1

Oné mai hi Paulus ata pilé le Mori Keraéng te ciri rasul di Kristus Yésus agu oné mai hi Timotéus asé-ka’é ca imbi dité. Latang te ro’éng de Mori Keraéng oné Korintus agu sanggéd ata serani oné temu tana Akhaya.

2 KORINTUS 1:23

Maik aku kepok oné Mori Keraéng hitut saka-si ata pecing ici nai daku, te aku toé mai oné Korintus landing kaut aku toé ngoéng te pandé susa méu.

2 KORINTUS 6:11

Oé ata Korintus! Ami poli tombo si’ang kéta agu méu, ici nai dami poli taung céngka latang te méu.

2 TIMOTIUS 4:20

Hi Érastus ka’éng oné Korintus agu hi Trofimus legong kaut laku lari betin oné Milétus.