TOMBO PÉTÉ GORI DE RASUL-RASUL 16:5 - Bahasa Manggarai New Testament

⁵ Nenggitus dé pandé ndeng weki serani situ oné imbid agu néténg-néténg leso tambangs dod.

TOMBO PÉTÉ GORI DE RASUL-RASUL 16:5 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 11:21

Kuasa de Mori Keraéng loréng iséy, wiga do kolé ata imbi agu holés nggere-oné Mori Keraéngs.

TOMBO PÉTÉ GORI DE RASUL-RASUL 12:24

Lari nggitun, tambang kéta bekan reweng de Mori Keraéng agu tambang dod ata dengén.

TOMBO PÉTÉ GORI DE RASUL-RASUL 15:41

Hia ngo lako léok tana Siria agu Kilikia cang agu pandé ndeng weki serani nitu.

TOMBO PÉTÉ GORI DE RASUL-RASUL 2:47

Cang agu naring Mori Keraéngd, isé kembung laings lata. Lété leso Mori Keraéng tambang weki disé oné mai ata situt kudut te tiba selamaks.

TOMBO PÉTÉ GORI DE RASUL-RASUL 4:4

Maik oné mai isét dengéd toing situ, dod ata imbi wiga nekid isé aram lima sebus ata ronad.

TOMBO PÉTÉ GORI DE RASUL-RASUL 5:14

Tambang cuku tambangs dod ata situt imbi Mori Keraéng, ata rona agu iné-waid.

TOMBO PÉTÉ GORI DE RASUL-RASUL 6:7

Reweng de Mori Keraéng tambang bekan, agu tambang kéta dod ata nungku oné Yérusalém, agu manga kolé imam situt condo wekid agu imbis.

TOMBO PÉTÉ GORI DE RASUL-RASUL 9:31

Tédéng pisa wulang sanggéd weki serani oné tana Yudéa, Galiléa, agu Samaria meler kétas. Ata serani situ hiang kéta Mori Keraéng agu tambang kolé bekad ali campé de Nai Nggeluk.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

GALATIA 5:1

Te ho’on ga ité ata céla, ai hi Kristus poli céla mosé dité. Landing hitu lencek kéta hesés agu néka éng kolé te tékék le mendo.

KOLOSÉ 2:6

Méu poli tiba hi Kristus Yésus, Mori dité. Landing hitu, poro kong kin méu nai ca anggit agu Hiam.

TÉSALONIKA 3:13

Landing le hitu, Mori Keraéng pandé mberes nai de méu, wiga méu ciri nggelukm agu toé manga celas oné ranga Diha du leso mai kolé de Mori Yésus, cama-cama agu sanggéd ata situt ciri paéng Diha.

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

IBRANI 13:9

Néka lut le méu sanggéd toing situt melet, ata pandé wéléng méu. Ai ata di’an, nai de méu ndeng hanang le tabing de Mori Keraéng, toé le sanggéd wintuk latang te hang ata toé manga betuan oné isé situt lorongn.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.