TOMBO PÉTÉ GORI DE RASUL-RASUL 15:9 - Bahasa Manggarai New Testament

⁹ agu Hia toé manga pandé woléng-woléng ité agu isé, du poli pandé nggélok nai disé ali imbi.

TOMBO PÉTÉ GORI DE RASUL-RASUL 15:9 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 10:15

Dengé kolé te sua ngkalin reweng hitut taé agu hia: “Apa ata kop le Mori Keraéng, néka ireng kauts le hau.”

TOMBO PÉTÉ GORI DE RASUL-RASUL 10:28

Mai taé diha agu isé: “Pecing le méu, ré’ing tu’ung kéta ata Yahudi te pandé haé reba ko ngo léjong oné ata toé Yahudi. Landing Mori Keraéng poli toi agu aku, kudut aku néka caro cengatan ata rinek ko ireng.

TOMBO PÉTÉ GORI DE RASUL-RASUL 10:34

Itu kali pu’ung tombon hi Pétrus: “Ata tu’ungn, baég laku Mori Keraéng toé manga pandé woléng atan.

TOMBO PÉTÉ GORI DE RASUL-RASUL 11:12

Mai taé de Nai Nggeluk agu aku: Ngo ga cama laing agu isé agu néka pandé woléng-woléngs le hau! Asé –ka’é daku situt enem-tau lut akus. Ami ocok oné mbaru data situkm,

TOMBO PÉTÉ GORI DE RASUL-RASUL 14:1

Oné Ikonium rasul situt sua, ngo oné mbaru ngaji data Yahudis, toing ata nitu, wiga do kéta ata ciri imbis, isét Yahudi agu isét Yunani.

TOMBO PÉTÉ GORI DE RASUL-RASUL 14:27

Du caid nitu, isé bénta taung weki serani kudut nempung. Itu kali tombo taung sanggéd cao-ca situt pandé le Mori Keraéng lut isé, agu Hia poli céngka para latang te wa’u bana nggere-oné imbi.

ROMA 3:22

Ngong Mori Keraéng tiba sangged manusia le imbi oné Yésus Kristus, toé manga woléngd.

ROMA 3:9

Jari, co’o gi? Tu’ung kétat ité ho’o manga labid oné mai ata bana? Toé kéta manga. Ai béta hio bao, poli mangkong ata Yahudi ko ata Yunani té sanggéd taung isé wa-mai kuasa de ndékok,

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

1 KORINTUS 1:2

latang te weki serani de Mori Keraéng oné Korintus. Weki serani situ poli pandé nggelukd agu poli béntad te ciri ata nggeluks landing hi Kristus Yésus. Agu sanggén ata néténg osang, ata ngaji le ngasang de Mori Keraéng dité hi Yésus Kristus, Mori disé agu Mori dité.

1 KORINTUS 7:18

Émé hiat cengata bénta du poli sunatn, hia néka pandé mora sanggéd tanda sunatn hitu. Émé hiat cengata bénta toé di sunaty, hia néka nanang kolé te sunaty.

GALATIA 3:28

Itu tara, toég manga kolé woléngn, ata Yahudi ko ata Yunani, mendi ko ata toé mendi, ata rona ko iné-wai, ai sanggés taung méu ciri cam kali oné hi Kristus Yésus.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

ÉFÉSUS 3:6

Ho’oy pété ceha hitu: lut Keréba Di’a hitu, ata toé Yahudi ngancéng tiba sanggéd berkak de Mori Keraéng hiot danong ambi latangt ata Yahudi kanang. Sanggéd ata toé Yahudi poli ciri nggota de weki hitut ca agu tiba apa ata poli reké de Mori Keraéng létang laing hi Kristus Yésus.

KOLOSÉ 3:11

Cai wan ga, toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, Hia nai ca anggit agu sanggén cao-ca.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.