TOMBO PÉTÉ GORI DE RASUL-RASUL 15:3 - Bahasa Manggarai New Testament

³ Isé podo le weki seranis haéng pé’ang mai béndar, itu kali lako lut Fénisia agu Samaria agu tombo taung teser data toé Yahudi. Tombo situ pandé nisang nai de asé-ka’é ca imbi nitu.

TOMBO PÉTÉ GORI DE RASUL-RASUL 15:3 ပူးပေါင်းရင်းမြစ်များ

LUKAS 15:32

Naun kéta muing ité pandé ramé agu nakat, ai asém hitu néhot poli matan, maik mosé koléy, hia poli moran, maik ita koléy.”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

TOMBO PÉTÉ GORI DE RASUL-RASUL 13:48

Dengé hitus, nisang kéta nai de sanggéd ata oné mai wa’u bana agu isé naring reweng de Mori Keraéng, agu sanggéd ata situt poli retus le Mori Keraéng latang te mosé tédéng lén, cirik imbis.

TOMBO PÉTÉ GORI DE RASUL-RASUL 13:52

Ata nungku oné Antiokhia ngai nisang naid agu kuasa le Nai Nggeluks.

TOMBO PÉTÉ GORI DE RASUL-RASUL 14:27

Du caid nitu, isé bénta taung weki serani kudut nempung. Itu kali tombo taung sanggéd cao-ca situt pandé le Mori Keraéng lut isé, agu Hia poli céngka para latang te wa’u bana nggere-oné imbi.

TOMBO PÉTÉ GORI DE RASUL-RASUL 15:1

Manga pisa taus ata mai oné mai Yudéa nggere-oné Antiokhia, toing asé-ka’é ca imbi nitu, mai taéd: “Émé méu toé sunatm lorong adak mbaté di Musa, méu toé ngancéng selamakm.”

TOMBO PÉTÉ GORI DE RASUL-RASUL 15:12

Itu kali hema taung sanggéd weki situ, og kali isé séngét hi Paulus agu hi Barnabas tombo sanggéd gantang agu tanda lenget ata pandé de Mori Keraéng lut isé oné bahi-réha wa’u bana.

TOMBO PÉTÉ GORI DE RASUL-RASUL 15:22

Poli hitu rasul-rasul agu sanggéd taung ata tu’a laing agu sanggéd weki serani, wérét kudut pilé oné mai isé pisa taun ata kudut jera ngo oné Antiokhia cama laing agu hi Paulus agu hi Barnabas, isé situ hi Yudas ata caron hi Barsabas agu hi Silas.

TOMBO PÉTÉ GORI DE RASUL-RASUL 15:32

Hi Yudas agu hi Silas, woko nabi kolés isé, do kolé pandé lémbud latang te asé-ka’é ca imbi situ agu pandé ndeng imbi disé.

TOMBO PÉTÉ GORI DE RASUL-RASUL 15:4

Du cai oné Yérusalém, isé curu le weki serani agu le rasul-rasul agu le ata tu’a laing. Itu kali tombo taung sanggéd situt poli pandé de Mori Keraéng lut isé.

TOMBO PÉTÉ GORI DE RASUL-RASUL 17:15

Ata situt lako agu hi Paulus, podo lisé cai oné Aténa, itus kali koléd agu ba pedé latang te hi Silas agu hi Timotéus, kudut isé gélang koé mai neki ca agu hias.

TOMBO PÉTÉ GORI DE RASUL-RASUL 20:38

Isé wéong kéta naid, céwén kéta ai taé diha, isé toé kéta ita kolé ranga diha. Poli hitu isé ngo podo hia oné kepal.

TOMBO PÉTÉ GORI DE RASUL-RASUL 21:5

Maik du polig leson ka’éng cama, ami lako rudakm. Sanggéd ata nungku agu winad, anakd, podo ami haéng pé’ang mai béndar; oné lupi nanga ami tikul te ngaji cama laing.

TOMBO PÉTÉ GORI DE RASUL-RASUL 28:15

Sanggéd asé-ka’é ca imbi ata manga nitu poli dengé tombo latang te ami agu isé mai cumang ami haéng oné Forum Apius agu Trés Taberné. Du ita isé li Paulus, hia wali di’a oné Mori Keraéng, itu kali mberés kéta nain.

TOMBO PÉTÉ GORI DE RASUL-RASUL 8:14

Du dengé le rasul-rasul oné Yérusalém, te oné tana Samaria poli tiba reweng de Mori Keraéng, isé wuat hi Pétrus agu hi Yohanés ngo nitu.

ROMA 15:24

bengkes daku lari lako daku nggere-oné Spanyol, aku ngancéng cénggo oné osang de méu agu cumang agu méu, wiga méu ngancéng podo aku nggere-oné itu du poli cumang cekoén agu méu.

1 KORINTUS 16:11

Jari, néka manga ata oné-mai méu te rékéng jengge-li’o hia! Ata di’an campé hia, kudut hia ngancéng ruda olo lakon wiga selamaky, kudut hia mai koléy oné aku, ai aku cé’é ho’o géréng cai diha agu sanggéd asé-ka’é ca imbi situt iwod.

1 KORINTUS 16:6

Aram remo naisg aku te ka’éng cama agu méu oné Korintus, ko aram kudut ka’éng lawang cekeng cés, wiga méu ngancéng campé aku te ruda olon lako daku.

2 KORINTUS 1:16

Poli hitu aku ruda olo lakog nggere-oné tana Makédonia, onémai Makédonia kolé nggere-oné méu kudut méu campé aku lari lakog nggere-oné tana Yudéa.

TITUS 3:13

Campé di’a koé hi Zénas, ata pecing adak hitu agu hi Apolos oné lako disé, kudut néka manga géongd.