TOMBO PÉTÉ GORI DE RASUL-RASUL 13:8 - Bahasa Manggarai New Testament

⁸ Maik hi Élimas, ata mbeko hitu – hitu betuan ngasang diha, pandé do’ong isé agu pandé péndot Gubernur hitu oné mai imbin.

TOMBO PÉTÉ GORI DE RASUL-RASUL 13:8 ပူးပေါင်းရင်းမြစ်များ

YOHANÉS 1:41

Hi Andréas laring cain ngo cumang ka’én hi Simon, agu mai taén: “Ami poli cumang agu hi Mésias (ngong hi Kristus)”

TOMBO PÉTÉ GORI DE RASUL-RASUL 13:12

Du ita ata hitut rodo butay, imbig le gubernur hitu, hia lenget ali toing de Mori Keraéng.

TOMBO PÉTÉ GORI DE RASUL-RASUL 18:12

Maik du ciri Gubernur oné tana Akhayan hi Galio, sanggéd ata Yahudi cama-camas dungkang hi Paulus agu sorok hia oné ranga de adak.

TOMBO PÉTÉ GORI DE RASUL-RASUL 19:38

Jari, émé hi Démétrius agu tukang-tukang diha manga barod latang te cengata-cengata, bom toé manga adak agu gubernur te beté-bicar. Ngo kaut oné adak situ émé manga bicar.

TOMBO PÉTÉ GORI DE RASUL-RASUL 6:7

Reweng de Mori Keraéng tambang bekan, agu tambang kéta dod ata nungku oné Yérusalém, agu manga kolé imam situt condo wekid agu imbis.

TOMBO PÉTÉ GORI DE RASUL-RASUL 8:9

Oné béndar hitu manga cengata ngasangn hi Simon ata danong main ciri ata mbeko da’at, ata pandé lenget taung ata Samaria. Agu mékok néhot hia cengata ata mésé.

TOMBO PÉTÉ GORI DE RASUL-RASUL 9:36

Oné béndar Yopé manga cengata ata nungku iné-wai, ngasangn hi Tabita – oné curup Yunanin hi Dorkas. Iné-wai hitu do kéta pandé di’an, agu téi reco.

2 TIMOTIUS 3:8

Cama ného hi Yanés agu hi Yambrés, lawang hi Musa, nenggitu kolé isé lawang molor. Anor disé da’at taungd agu imbi disé toé ta’ong damangs.