TOMBO PÉTÉ GORI DE RASUL-RASUL 13:6 - Bahasa Manggarai New Testament

⁶ Isé lako léok nuca hitus dengkir cai oné Pafos. Nitu isé cumang agu hi Baryésus. Hia cengata ata mbeko agu nabi tangké.

TOMBO PÉTÉ GORI DE RASUL-RASUL 13:6 ပူးပေါင်းရင်းမြစ်များ

MATÉUS 16:17

Mai walé de Mori Yésus ngong hia: “Mosé di’a hau Simon Bin Yunus, ai toé manusia hitut taé agu hau, maik Ema Daku hitut éta Surga.

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MATÉUS 7:15

“Jerék-jerék agu sanggéd nabi tangké, ata mai cé’é méu, biluk ného jimbals, kali cetu’ungn isé situ serigala da’ats.

MARKUS 10:46

Itu kali cain Mori Yésus agu ata nungkun oné Yériko. Agu du Mori Yésus angkak oné mai Yérikon, cama-cama agu ata nungkun, agu lawa do situt lusut kétas lud, manga cengata ata buta, te tegi campé, ngasangn hi Bartiméus, anak di Timéus, lonto kin lupi salang.

TOMBO PÉTÉ GORI DE RASUL-RASUL 13:13

Itu kali hi Paulus agu haé reban ledong béndar Pafos agu lajar nggere-oné béndar Pérga oné tana Pamfilia, maik hi Yohanés ledong iséy, itu kali kolén nggere-oné Yérusalém.

TOMBO PÉTÉ GORI DE RASUL-RASUL 13:8

Maik hi Élimas, ata mbeko hitu – hitu betuan ngasang diha, pandé do’ong isé agu pandé péndot Gubernur hitu oné mai imbin.

2 KORINTUS 11:13

Ai sanggéd ata nenggitu cama ného sanggéd rasul adong. Isé situ ata keturu adong ata tangké sanggéd rasul di Kristus.

2 TIMOTIUS 3:8

Cama ného hi Yanés agu hi Yambrés, lawang hi Musa, nenggitu kolé isé lawang molor. Anor disé da’at taungd agu imbi disé toé ta’ong damangs.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.