TOMBO PÉTÉ GORI DE RASUL-RASUL 13:52 - Bahasa Manggarai New Testament

⁵² Ata nungku oné Antiokhia ngai nisang naid agu kuasa le Nai Nggeluks.

TOMBO PÉTÉ GORI DE RASUL-RASUL 13:52 ပူးပေါင်းရင်းမြစ်များ

MATÉUS 5:12

Naka agu nisang ga, ai mésén lahém éta Surga, ai nenggitu kolés poli lucad sanggéd nabi bebolon mai méu.”

TOMBO PÉTÉ GORI DE RASUL-RASUL 11:29

Og kali sanggéd ata nungku ca nais kudut katu campé disé lorong manga néténg weki agu katu lisé latang asé-ka’é situt ca imbi oné Yudéa.

TOMBO PÉTÉ GORI DE RASUL-RASUL 2:4

Itug kali penongd isé le Nai Nggeluk agu pu’ung tombo oné curup banas cama ného hitut téi le Nai hitu agu isé kudut tombod.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

TOMBO PÉTÉ GORI DE RASUL-RASUL 4:31

Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.

TOMBO PÉTÉ GORI DE RASUL-RASUL 5:41

Rasul-rasul situ pé’ang oné mai sidang de Adak Agama ali nisang naid, ai isé poli naun te ta’ong susa landing le ngasang de Mori Yésus.

ROMA 14:17

Ai adak de Mori Keraéng toé tombo hang agu inung, maik lorong ngoéng de Mori Keraéng, hambor-meler agu cembes oné Nai Nggeluk.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

ROMA 5:3

Toé hanang hitu kanang. Ité kolé ngot go’as oné singsara dité, ai pecing lité te singsara hitu pandé alus nai,

2 KORINTUS 8:2

Rémé hena le damang mendo mésé oné sanggéd pa’it réa, nisang nai disé bimber kétay. Koném lénggé da’ats, maik isé bora oné gawas.

GALATIA 5:22

Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

TÉSALONIKA 1:6

Agu méu lorong toming dami agu toming de Morin. Koném po méu ta’ong susa mésé, maik méu tiba Keréba Di’a hitu ali nisang nais. Nisang nai de méu hitu le widang de Nai Nggeluk.

JAMES 1:2

Asé-ka’é daku, émé méu pa’u oné do tarad damang, rékéng le méu ného mosé di’a.

1 PETRUS 4:13

Ngot cembes kali nais, ai méu lut ta’ong susa ného hi Kristus, wiga méu tai ngancéng naka agu nisang nais du si’angn mengit Diha.