TOMBO PÉTÉ GORI DE RASUL-RASUL 13:41 - Bahasa Manggarai New Testament

⁴¹ “Lélo di’a-di’a, oé méut bocik, méu te lenget agu poli hitu matam, ai Aku pandé ca gori oné uwa de méu, ca gori ata toé kong imbin le méu, émé tombo kolé oné méuy.”

TOMBO PÉTÉ GORI DE RASUL-RASUL 13:41 ပူးပေါင်းရင်းမြစ်များ

LUKAS 16:14

Sanggéd situ dengé taung lata Parisi, mendi-mendi de séng, agu isé tawa laing Hias.

LUKAS 23:35

Ata do hesé nitu, agu ita kéta sanggén taung. Isét tu’a laing seget Hia, mai taéd: “Bo ata bana, lobo watus Liha, ondang lité ho’o Hia te lobo watu koé weki run, émé hi Kristus tu’ung Hia, hitut lir de Mori Keraéng.”

TOMBO PÉTÉ GORI DE RASUL-RASUL 13:47

Ai ho’o perénta de Mori Keraéng oné ami: Aku poli pilé hau ciri gérak latang te wa’u bana, kudut hau ba selamak oné temu tana lino.”

TOMBO PÉTÉ GORI DE RASUL-RASUL 22:21

Maik mai taé de Mori Yésus agu aku: Ngoh ga, ai Aku jera hau ngo tadang oné wa’u-wa’u bana.”

TOMBO PÉTÉ GORI DE RASUL-RASUL 3:23

Agu manga jari laingn, néténg ata situt toé séngét nabi hitu, te mempos oné mai bahi-réha ro’éng.

TOMBO PÉTÉ GORI DE RASUL-RASUL 6:14

ai ami poli dengé hia tombo te Mori Yésus ata Nasarét hitu, te pandé renco osang ho’o agu caling adak dité, ho’ot mbaté di Musa oné ité.”

TÉSALONIKA 2:16

Isé pangga ami te ba keréba reweng de Mori Keraéng oné wa’u bana latang te tiba selamak. Nggitu dé isé, ruda kétas cuku nungad te pandé ndékok dengkir rapaks dod. Te ho’on rabo mésé de Mori Keraéng poli hena isén.

1 PETRUS 4:17

Ho’og leson te pu’ungn beté-bicar, wangka oné-mai itét ro’éng run Mori Keraéng. Éme beté-bicar hitu wangka oné-mai itén, céwén kolé isét toé imbi oné Keréba Di’a de Mori Keraéng.