TOMBO PÉTÉ GORI DE RASUL-RASUL 13:16 - Bahasa Manggarai New Testament

¹⁶ Itu kali hesén hi Paulus. Hia téi nangga le limén agu mai taén: “Oe sanggés méu ata Israél, agu méut hiang Mori Keraéng, séngét di’a-di’a!”

TOMBO PÉTÉ GORI DE RASUL-RASUL 13:16 ပူးပေါင်းရင်းမြစ်များ

MATÉUS 11:15

Céi-céing ata paéng tilun, séngét koé liha!

LUKAS 1:22

Du ngo nggere-pé'ang, hia toé ngancéng curupy agu isé, wiga baég lisé te hia poli ita ca tanda oné Mbaru Nggeluk. Itu kali téing tanda molé liha nggere-oné isé, ai dopel kin hia.

LUKAS 1:50

Agu nabitn wa-wa na’ay lobo ata hitut rantang Hiay,

LUKAS 23:40

Maik hiat cengata ré’ing hia, taén: “Oé, toé rantang hau ko, agu toé kolé rantang Mori Keraéngh, laring hau tiba wahéng ata camas?

TOMBO PÉTÉ GORI DE RASUL-RASUL 10:2

Hia nggelukn, agu sanggéd ata oné mbarun hiang Mori Keraéng agu dongkalin téi reco oné ata Yahudi agu dondé ngaji kamping Mori Keraéng.

TOMBO PÉTÉ GORI DE RASUL-RASUL 10:35

Néténg ata oné mai wa’u nia kaut, ata hiang Hia, agu ata pandé molor, henan oné nai Diha.

TOMBO PÉTÉ GORI DE RASUL-RASUL 12:17

Maik hi Pétrus pépas limén te ré’ing isé, kudut isé néka ngaoks. Itu kali tombon co’o Mori Keraéng karong hia pé’ang oné mai bui. Mai taén: “Tombo kolé le méu pé’ang daku ho’o oné hi Yakobus agu sanggéd asé-ka’é dité.” Og kali lako rudan agu ngo oné osang cebanay.

TOMBO PÉTÉ GORI DE RASUL-RASUL 13:26

Oé asé-ka’é daku méut waé di Abraham, agu méut hiang Mori Keraéng, keréba selamak hitu polig cain oné ité.

TOMBO PÉTÉ GORI DE RASUL-RASUL 13:46

Maik ali rani nain hi Paulus agu hi Barnabas koléng isé: “Bo tu’ung latang te méu kéta laring cain keréba reweng de Mori Keraéng, maik toé tiba le méu, agu toé remo te tiba mosé tédéng lén. Landing hitu ami holés oné wa’u banakm.

TOMBO PÉTÉ GORI DE RASUL-RASUL 19:33

Itu kali cengata ata ngasangn hi Aléksandér dur nggere-oloy lisét Yahudi. Ai le nuk disét Yahudi hi Aléksandér ata campitn tara mangan ngai-ngaok hitu. Hidi-hadan hia pépas limén kudut tombo te kambé olo-mai ranga de ro’éng situ.

TOMBO PÉTÉ GORI DE RASUL-RASUL 2:14

Og hesén hi Pétrus agu rasul situt campulu-ca agu ali getas kéta curupn ngong isé: “Oé ata Yahudi agu sanggéd ata ka’éng oné Yérusalém, séngét di’a-di’a koé le méu curup daku ho’o agu paka pecing le méu.

TOMBO PÉTÉ GORI DE RASUL-RASUL 2:22

Oé, ata Israél séngét di’a-di’a curup ho’o: Mori Yésus oné mai Nasarét cengata ata poli pilé le Mori Keraéng agu toto oné méu ali mberes agu sanggéd tanda lenget ata pandé le Mori Keraéng lut Hia oné bahi-réha méu, ného hitut pecing de méu.

TOMBO PÉTÉ GORI DE RASUL-RASUL 21:40

Du poli sendon hi Paulus le serdadu, ngo hia, hesé lobo redé mbaru agu pépas limén nggere-oné ata do situ; du lik kéta ga, itug kali wangkag hia tombon agu isé le curup Ibrani, nggo’o taén:

TOMBO PÉTÉ GORI DE RASUL-RASUL 22:22

Sanggéd taung lawa do situ dengé tombo di Paulus dengkir agu curup hitu: itu kali pu’ung ciékd: “Pandé mora ata ho’o oné mai lino ho’on! Toé kopn te moséy!”

TOMBO PÉTÉ GORI DE RASUL-RASUL 3:12

Du ita hitu li Pétrus, mai taén agu ata do situ: “Oé ata Israél, co’o tara lenget laingn le méu tanda lenget hitu agu co’o tara lélo ami, néhot lami kétag pandé lako kolén ata ho’o ali kuasa ko nggeluk dami?

WIDANG SI’ANG ONÉ HI YOHANÉS 2:11

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, hia toé manga susan ali mata te suan, ngong mata tédéng lén.”

WIDANG SI’ANG ONÉ HI YOHANÉS 2:17

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, oné hia hitu téing Laku hang manna ata pété ceha; agu widang Laku watu bakok atat bétan manga tulis weru ngasangn ata toé pecing lata bana, maik hanang lihat tiban kanang.”

WIDANG SI’ANG ONÉ HI YOHANÉS 2:29

Céing ata manga tilun, poro séngét apa ata taé le Nai Nggeluk oné sanggéd weki serani.”

WIDANG SI’ANG ONÉ HI YOHANÉS 2:7

Céing ata manga tilun, poro séngét apa ata curup le Nai Nggeluk oné sanggéd weki serani. Céing ata ontong, te sendos Laku hang wua oné-mai pu’u haju ata téing mosé hitut manga oné Uma Firdaus de Mori Keraéng.”