TOMBO PÉTÉ GORI DE RASUL-RASUL 10:40 - Bahasa Manggarai New Testament

⁴⁰ Mori Keraéng pandé mosé kolé Hia oné leso te telun agu ondang Hia toto wekin,

TOMBO PÉTÉ GORI DE RASUL-RASUL 10:40 ပူးပေါင်းရင်းမြစ်များ

YOHANÉS 14:22

Hi Yudas hiat toé hi Iskariot taé agu Hia: “Mori, co’ot Ité tara toto wekid agu ami agu toé latang te lino?”

TOMBO PÉTÉ GORI DE RASUL-RASUL 17:31

Ai Hia poli wérét ca leso kudut bicar lino le cengata ata poli tétin Liha. Agu kudut imbin le sanggén ata, Mori Keraéng poli pandé mosé kolé ata hitu oné mai ata matan!”

TOMBO PÉTÉ GORI DE RASUL-RASUL 2:24

Maik Mori Keraéng pandé to’o kolé Hia, du poli legon Hia oné mai cukung susa da’at, ai toé kongn Hia te ka’éng kin oné kuasa de mata da’at hitu.

TOMBO PÉTÉ GORI DE RASUL-RASUL 2:32

Mori Yésus ho’o hitu pandé to’o kolé le Mori Keraéng agu latang te hitu ami ho’o ata saka-sin.

ROMA 1:4

maik lorong Nai Nggeluk si’ang le to’o kolé Diha oné mai ata mata, te Hia kéta Anak de Mori Keraéng ata manga kuasan, hi Yésus Kristus Mori dité.

ROMA 14:9

Ai latang te hitu muing hi Kristus poli matan agu mosé koléy, kudut ciri Mori data mata agu data mosé.

ROMA 8:11

Émé Nai Nggeluk de Mori Keraéng hitut poli pandé to’o kolé Mori Yésus oné mai ata mata ka’éng oné méuy, te Hia hitut te pandé mosé kolé néng weki de méu hitut mosé dokong. Pandé taung situ Liha ali Nai Nggeluk hitut mosé oné méu.

2 KORINTUS 4:14

Pecing lami te Hia hitut pandé to’o kolé Mori Yésus, te pandé to’o kolé amiy cama laing agu hi Yésus. Hia kolé te dadé ami cama laing agu méu nggere-oné weki Run Hia.

IBRANI 13:20

Mori Keraéng poli pandé mosé kolén Mori Yésus oné-mai ata mata. Ali mataN hitu, ho’o ga Hia ciri Ata Lami Mésé sanggéd jimbalN. Le mataN hitu kolé, pandé petok reké de Mori Keraéng tédéng lén agu ité.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.