TOMBO PÉTÉ GORI DE RASUL-RASUL 10:34 - Bahasa Manggarai New Testament

³⁴ Itu kali pu’ung tombon hi Pétrus: “Ata tu’ungn, baég laku Mori Keraéng toé manga pandé woléng atan.

TOMBO PÉTÉ GORI DE RASUL-RASUL 10:34 ပူးပေါင်းရင်းမြစ်များ

MATÉUS 22:16

Isé jera ata nungku disé cama laing agu ata Hérodian kudut réi agu Hia: “Tuang Guru, baé lami Ité ata molor, agu molor kolé toing salang de Mori Keraéng, agu Ité toé manga rantang céing kautd, ai Ité toé manga pilé atad.

MATÉUS 5:2

Itug kali pu’ung curupn agu toing iséy Mori Yésus, taén:

LUKAS 20:21

Ata situ sinan réi ho’o agu Hia: “Tuang Guru, pecing lami, te curup agu sanggéd toing Dité laing molord, agu Ité toé manga pilé atad, maik nggeluk kéta toing salang de Mori Keraéng.

TOMBO PÉTÉ GORI DE RASUL-RASUL 10:33

Itu tara gélang-gélang jera ata ngo curu ité agu ali nisang nai ité mai cé’é ho’o. Te ho’on manga taung ami ga oné ranga de Mori Keraéng, kudut séngét apa kaut perénta de Mori Keraéng lut ité.”

TOMBO PÉTÉ GORI DE RASUL-RASUL 15:9

agu Hia toé manga pandé woléng-woléng ité agu isé, du poli pandé nggélok nai disé ali imbi.

TOMBO PÉTÉ GORI DE RASUL-RASUL 8:35

Itug kali pu’ung tombon hi Pelipus lorong oné mai surak hitu, ba Keréba Di’a de Mori Yésus latang te pegawé hitu.

ROMA 2:11

Ai Mori Keraéng toé manga lélo taran ata.

ROMA 3:29

Ko asa néng, Mori Keraéng hitu hanang Mori Keraéng data Yahudi kanang? Toé néng Hia kolé Mori Keraéng data uku bana? Io, tu’ung. Hia kolé Mori Keraéng data uku bana!

GALATIA 2:6

Isé situt naun te hiangs, toé manga dedek apa ata werun oné aku. Ata hiang laing ko toé isé situ danong, toé manga sékék laingn laku, ai Mori Keraéng toé manga pilé taran ata.

ÉFÉSUS 6:9

Latang te méut sengaji laing weli ga: poro nenggitu kolé gauks kamping sanggéd mendis. Néka manga mtaung ngerek mendi. Nuk dé, méu agu sanggéd mendi situ ca kanangy kali sengajis, ngong Mori Keraéng ata manga éta Surga. Hia toé manga lélo taran ata.

KOLOSÉ 3:11

Cai wan ga, toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, Hia nai ca anggit agu sanggén cao-ca.

KOLOSÉ 3:25

Céing kaut ata pandé sala, paka tanggong salan hitu, ai Mori toé manga lélo atan.

JAMES 2:1

Asé-ka’é daku, ai ité ho’o ata imbi oné hi Yésus Kristus Mori dité hitut mengit, oné toto imbis néka nono momang ata.

JAMES 2:4

Ali pandé nenggitu, méu poli pandé nono momang oné nais agu wolo ata ali nuks hitut da’at.

JAMES 2:9

Maik émé nono momang de méu, méu poli pandé ndékokm agu wintuk hitu ciri si’ang te méu lagé perénta de Mori Keraéng.

1 PETRUS 1:17

Koném po caro Ema Hia le méu du ngaji, méu paka noing kin, te Hia toé manga lélo taran ata du leso beté-bicar. Landing hitu, hiang koé Mori Keraéng oné mosé dokong lino ho’o.