TOMBO PÉTÉ GORI DE RASUL-RASUL 10:11 - Bahasa Manggarai New Testament

¹¹ Ita liha lénga awang agu wa’u éta mai cama ného towé ngéngga ata wéo oné pat bincungn ata wa’u nggere-wa tana.

TOMBO PÉTÉ GORI DE RASUL-RASUL 10:11 ပူးပေါင်းရင်းမြစ်များ

MATÉUS 8:11

Aku taé agu méu: Dod ata te mai awo mai agu salé mai agu lonto hang cama-cama agu hi Abraham, hi Ishak agu hi Yakub oné Surga.

LUKAS 3:21

Du sanggéd ata do situ, poli taung cebongd, agu du Mori Yésus kolé cebongy agu rémé ngajin, rodo cengka awang,

YOHANÉS 1:51

Poli hitu taé le Mori Yésus oné hia: “Aku tombo agu hau, moro matan, ata tu’ungn hau te ita léngay awang, agu sanggéd malékat de Mori Keraéng nggere-wa nggere-étas mai cé’é Anak Manusia.”

YOHANÉS 11:52

Agu toé latang te uku hitu kanang, maik latang kolé te impung agu pandé neki cas Anak de Mori Keraéng situt bégas.

YOHANÉS 12:32

Agu Aku émé téti nggere-étak oné mai lino, Aku poto taung ata te mai oné Aku.

TOMBO PÉTÉ GORI DE RASUL-RASUL 10:12

Ita liha bonén, do kéta kaka wa’i pat, kaka horos wa tana, agu kaka lélap.

TOMBO PÉTÉ GORI DE RASUL-RASUL 11:5

“Aku lari ngajig oné béndar Yopé, rodo penong kaut déwa daku ali kuasa nggeluk agu aku urék: Manga ca ného towé ngéngga ata wéo oné patd bincungn, wa’u éta mai awangn haéng olo mai ranga daku.

TOMBO PÉTÉ GORI DE RASUL-RASUL 7:56

Mai taén: “Tu’ung kéta, aku ita léngan awang agu Anak Manusia hesé oné racap wanang de Mori Keraéng.”

ROMA 1:16

Ali toé ritak aku latang te ba Keréba Di’a, ai Keréba Di’a hitu mberes de Mori Keraéng hitut pandé selamak néténg ata situt imbi. Keréba di’a hitu laring cain kéta latang te ata Yahudi agu ata Yunani.

ROMA 9:4

Isé ata Israél, ata poli tétid ciri anaks, agu poli tiba mengit, reké, ngaji agu wintuk Taurat.

GALATIA 2:15

Bo émé lorong loas, ami ho’o ata Yahudikm, toé ata ndékokm ného ata wa’u bana.

GALATIA 3:28

Itu tara, toég manga kolé woléngn, ata Yahudi ko ata Yunani, mendi ko ata toé mendi, ata rona ko iné-wai, ai sanggés taung méu ciri cam kali oné hi Kristus Yésus.

ÉFÉSUS 1:10

Ho’oy nanéngN hitu: sanggéd caoca, éta Surga ko oné lino, nai ca anggit agu hi Yésus Kristus tu’ad sanggéd caoca.

ÉFÉSUS 3:6

Ho’oy pété ceha hitu: lut Keréba Di’a hitu, ata toé Yahudi ngancéng tiba sanggéd berkak de Mori Keraéng hiot danong ambi latangt ata Yahudi kanang. Sanggéd ata toé Yahudi poli ciri nggota de weki hitut ca agu tiba apa ata poli reké de Mori Keraéng létang laing hi Kristus Yésus.

KOLOSÉ 3:11

Cai wan ga, toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, Hia nai ca anggit agu sanggén cao-ca.

WIDANG SI’ANG ONÉ HI YOHANÉS 11:19

Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

WIDANG SI’ANG ONÉ HI YOHANÉS 19:11

Itug kali itan laku céngkay para Surga. Manga ca jarang jampi agu Hiat létin, ngasangn: “Ata Junggu agu Molor.” Hia agiln oné beté-bicar agu oné rampas.

WIDANG SI’ANG ONÉ HI YOHANÉS 4:1

Poli hitu ita laku: Ca para éta Surga ngai céngka kin agu reweng hitut dengé laku danong, tombo oné aku cama ného runing de terompét, “Maih wa mai ga, Aku te toto oné hau apa ata paka jari laingn tai.”