TOMBO PÉTÉ GORI DE RASUL-RASUL 1:4 - Bahasa Manggarai New Testament

⁴ Manga ca leso, Hia hang cama-cama agu isé, Hia ré’ing isé néka legong Yérusalém, agu jera isé ka’éng nitu géréng reké de Mori Keraéng Ema ata poli curupn Liha: “Poli le méu dengén oné mai Aku.

TOMBO PÉTÉ GORI DE RASUL-RASUL 1:4 ပူးပေါင်းရင်းမြစ်များ

MATÉUS 10:20

Ai toé méu hitut curup, maik Nai de Emas. Hia hitut curup oné mai nai de méu.

LUKAS 11:13

Jari, émé méut da’at pecing téing ata di’an agu anaks, apan kolé Emas hitu éta Surga! Hia te téing Nai Nggeluk oné isét tegin agu Hia.”

LUKAS 12:12

Ai du hitu kéta muing Nai Nggeluk te toing méu, apa situt paka curup le méu.”

LUKAS 24:49

Agu Aku te katu oné méu, apa hitut reké de Ema Daku. Maik méu paka ka’éng oné béndar ho’om, dengkir méu jemut le kuasa éta mai osang langkasm.”

YOHANÉS 14:16

Aku te tegi oné hi Ema, te téing liha agu méu cengata ata campé bana kudut Hia loréng méu tédéng lén,

YOHANÉS 15:26

Émé mai Hiat campé hitut kudut katu Laku oné mai hi Ema, ngong “Nai Molor” ata pé’ang oné mai hi Eman, Hia te sakasi latang te Aku.

YOHANÉS 20:22

Agu du poli curup nenggituN, Hia pur iséy, agu mai taéN: “Tiba ga Nai Nggeluk.

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

TOMBO PÉTÉ GORI DE RASUL-RASUL 10:41

toé nggere-oné sanggén wa’u Yahudi, maik oné ata saka-si, ata bebolon poli toi le run Mori Keraéng, ngong oné ami ata poli hang agu inung cama-cama agu Hia, du Hia poli mosé kolé oné mai ata matan.

TOMBO PÉTÉ GORI DE RASUL-RASUL 2:33

Du Hia poli téti nggere-étan ali limé wanang de Mori Keraéng agu tiba Nai Nggeluk hitut poli rekén oné mai Mori Keraéng Ema, itu mangan téing Nai hitu Liha ného ita agu dengé de méu ho’o.