TOMBO PÉTÉ GORI DE RASUL-RASUL 1:14 - Bahasa Manggarai New Testament

¹⁴ Sanggéd taung isé ca nais oné ngaji, cama laing agu pisa taus iné wai agu hi Maria endé de Mori Yésus agu sanggéd asé-ka’é'N.

TOMBO PÉTÉ GORI DE RASUL-RASUL 1:14 ပူးပေါင်းရင်းမြစ်များ

MATÉUS 12:46

Du lari curup Mori Yésus agu ata do situ, endén agu asé-kaén hesé kid bepé’ang agu isé nanang te cumang Hias.

MATÉUS 21:22

Agu apa kaut ata tegi de méu oné ngaji, agu imbi tu’ung kéta, mangay kali tiban le méu.”

MATÉUS 27:55

Agu manga nitu do kolés inéwai ata lélo déu maid, isé inéwai siot lorong Mori Yésus oné mai Galiléa ata laséng gatang Hiad.

MARKUS 15:40

Manga kolé pisa taus inéwai ata porong déu-maid, ného hi Maria Magdaléna, hi Maria endé di Yakobus ata reba agu asen hi Yosés, agu hi Salomé.

MARKUS 16:1

Woko laun leso Sabat, hi Maria Magdaléna agu hi Maria endé di Yakobus agu hi Salomé, ngo weli mina bengés latang te ba oné boa agu luma rapu de Mori Yésus.

LUKAS 11:13

Jari, émé méut da’at pecing téing ata di’an agu anaks, apan kolé Emas hitu éta Surga! Hia te téing Nai Nggeluk oné isét tegin agu Hia.”

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

LUKAS 23:49

Sanggéd ata situt pecing di’a de Mori Yésus, onéd kolé iné-wai situt lorong Hia oné mai Galiléa, hesé tadang kétas, agu ita taung sangged situ.

LUKAS 23:55

Agu sanggéd iné-wai siot mai cama agu Mori Yésus oné mai Galiléa, lut kolés, agu isé lélo boa hitu, agu co’oy lolingn rapu Diha.

LUKAS 24:10

Ho’os iné-wai situ: hi Maria oné mai Magdala, hi Yohana, agu hi Maria endé di Yakobus. Agu manga kolé iné-wai bana situt cama laing agu isé, tombo agu ata nungku.

LUKAS 24:33

Itu kali to’od, agu kolé nggere-oné Yérusalémd. Cai nitu, isé ngo oné ata nungku situt campulu ca. Isé ngai lipur kid agu haé rebad.

LUKAS 24:53

Isé naring agu bong mtaung Morin oné Mbaru de Mori Keraéng.

LUKAS 8:20

Mai ata tombo agu Hia: “EndéM agu asé-ka’éM ho’o pé’angs te cumang Ités.”

TOMBO PÉTÉ GORI DE RASUL-RASUL 2:1

Du cain leso ramé Péntékostén, sanggéd taung isé lipur oné ca osangs.

TOMBO PÉTÉ GORI DE RASUL-RASUL 2:42

Isé seberd te lorong toing de sanggéd rasul agu nempung mtaungs. Isé nempung mtaungs kudut pu’ils roti te hang agu ngaji cama laings.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

TOMBO PÉTÉ GORI DE RASUL-RASUL 6:4

agu kudut weki rug ami ngancéng nuk kanang ngaji agu ba keréba reweng de Morin.”

ROMA 12:12

Nakam ga landing le bengkes, lembak koém du kélo agu seber koém oné ngaji!

1 KORINTUS 14:13

Landing hitu, céi ata tombo le mu’u luju agu lema emas, hia paka ngajiy, kudut ngancéng papod.

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

KOLOSÉ 4:2

Seber koém oné ngaji, agu jerék koém oné wali di’a.