2 TIMOTIUS 4:7 - Bahasa Manggarai New Testament

⁷ Aku poli pandé cemol sandi ata di’an, poli cai oné ranti turung cemoln agu poli tinu imbig.

2 TIMOTIUS 4:7 ပူးပေါင်းရင်းမြစ်များ

LUKAS 11:28

Maik mai taé Diha: “Ata mosé di’a, isét situt séngét curup de Mori Keraéng, agu tinus néngd.”

LUKAS 8:15

Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

YOHANÉS 17:6

Aku poli toi ngasang Dité oné sanggéd ata situt téing Lités agu Aku oné mai lino ho’o. Isé situ, Dités morid, agu Ité poli téing isé oné Aku, agu isé lut tu’ung curup Dités.

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

TOMBO PÉTÉ GORI DE RASUL-RASUL 13:25

Du kudut cemol gori di Yohanés, mai taé diha: “Le nuk de méu, céing kéta aku ho’o? Aku toé Hia. Ata tu’ungn, Hia mai poli akuy. Te na'a péang sepatu oné mai wa’i Diha kaut, aku toé remok.”

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

GALATIA 2:2

Ngo daku landing wuat de Mori Keraéng. Du lari bantang hanang koégm agu isét hiang laings, tombo taungs laku Keréba Di’a hitut wéro daku oné bahi-réha wa’u bana ata toé wa’u Yahudi. Ali hitu, sanggéd gori daku danong ko te ho’on toé oké bod.

PILIPI 1:30

Ného danong ita le méu co’oy mpingn seber daku, nenggitu kolé te ho’on dengé kin le méu mpingn seber daku hitu.

2 TIMOTÉUS 1:18

Timotéus, anak daku. Ho’oy perénta daku latangt hau, kopn agu tombo ata poli caingd le sanggéd nabi oné asé-kaé ca imbi. Pandé le hau pedé hitu te ciri bokong laing oné tili-mpoét ata di’an le imbi agu ici nai ata nggélokn.

2 TIMOTÉUS 6:12

Rié koém oné imbi ata molor, rumbu koé le méu mosé tédéng lén. Latang te hitu hau tara béntam agu poli wérét le hau reké ata molorn, olo-mai ranga data saka-si do.

2 TIMOTÉUS 6:20

Oé Timotius, tinu dia-di’as apa ata poli imbid oné hau. Tadang koé oné-mai curup nggopét, pandé ata toé nggelukd agu léwang tau siot le carod pecing do, kali ata nggopét.

2 TIMOTIUS 1:14

Tinu di’a-di’as cao-ca situt manikd, ata poli imbid Liha oné hau ali Nai Nggeluk hitut manga oné nai ditéy.

2 TIMOTIUS 3:10

Hau poli lorong toing dakuh, co’oy mosé, ba weki, imbi, lembak, momang, agu seber daku.

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

WIDANG SI’ANG ONÉ HI YOHANÉS 3:8

Pecing Laku sanggéd gori de méu: Lélo ga, Aku poli céngka para latang te méu, ata toé ngancéng tadun le céing kaut. Pecing Laku te méu toé danga mberes, maik méu lorong curup Daku agu toé pali ngasang Daku.

WIDANG SI’ANG ONÉ HI YOHANÉS 6:11

Néténg isé tiba gici ca juba bakok. Og jerad isé kudut asi maél di cekoén, dengkir rapak dod asé-ka’é ata keturu laing agu asé-ka’é ca imbi disé te mbelé cama ného isé.