2 TIMOTIUS 2:8 - Bahasa Manggarai New Testament

⁸ Nuk di’a-di’a curup ho’o: hi Yésus Kristus hitut to’o kolé oné-mai ata matan, ata poli loas oné-mai waé di Daud, hituy ata ngo wéro daku oné Keréba Di’a daku.

2 TIMOTIUS 2:8 ပူးပေါင်းရင်းမြစ်များ

MATÉUS 1:1

Ho’oy tulurn empo de Mori Yésus Kristus, wa’u di Daud, wa’u di Abraham.

LUKAS 24:46

Mai taéN ngong isé: “Manga tulis nenggo’o: Hi Mesias paka matay agu to’o kolé oné mai ata matan, oné leso te telun;

TOMBO PÉTÉ GORI DE RASUL-RASUL 13:23

Lorong agu poli rekén, oné mai waé di Daud, Mori Keraéng poli widang Ata Selamak latang te Israél, ngong Mori Yésus.

TOMBO PÉTÉ GORI DE RASUL-RASUL 2:24

Maik Mori Keraéng pandé to’o kolé Hia, du poli legon Hia oné mai cukung susa da’at, ai toé kongn Hia te ka’éng kin oné kuasa de mata da’at hitu.

TOMBO PÉTÉ GORI DE RASUL-RASUL 2:30

Maik hia cengata Nabi agu baé liha te Mori Keraéng poli reké agu hian déméng agu sumpan te Hia téi lonto oné mai waé run hi Daud lobo kedéran.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

ROMA 2:16

Nenggitu dé tai du leso de Mori Keraéng lut hi Kristus Yésus, te beté-bicar sanggéd cao-ca situt pété ceha oné nai de manusia lorong agu Keréba Di’a ho’ot wéro daku.

1 KORINTUS 15:1

Asé-ka’én, ngoéng daku kudut nuk koé le méu latang te Keréba Di’a ho’ot wéro daku oné méu, agu hiot tiba le méu, wiga méu toé hésot kolé oné imbis.

1 KORINTUS 15:4

Hia poli boakN agu poli to’o kolé oné leso te telun lorong Surak Nggeluk;

2 TÉSALONIKA 2:14

Latang te hitu Hia poli bénta méu lut Keréba Di’a hitut wéro dami, wiga méu ngancéng tiba mengit di Yésus Kristus, Mori dité.

2 TIMOTÉUS 1:11

Sanggéd toing situ manga oné Keréba Di’a de Mori Keraéng hitut angos, ata imbi akus te wérod néténg béo agu te bad néténg tana.

2 TIMOTÉUS 2:7

Latang te saka-si hitu, Mori Keraéng poli wérét akun te ngo oné sanggén ata toé Yahudi kudut wéro oné isé Keréba Di’a latang te imbi ata molor oné hi Kristus Yésus. Tombo ho’o daku molorn, toé tombo nggopét.

2 TIMOTIUS 1:8

Jari néka ritak te saka-si latang te Mori dité, agu néka ritak landing aku ata na’a oné bui landing Hia. Maik lut ta’ong susa latang te Keréba Di’a Diha, ali mberes de Mori Keraéng.

2 TIMOTIUS 2:7

Séngét dé-di’a apa ata curup daku; Morin kudut téing oné hau pecing sanggén cao-ca.

WIDANG SI’ANG ONÉ HI YOHANÉS 5:5

Itug kali mai taé de cengata ata tu’a situ, “Néka rétang é! Lélo dé, singa oné-mai panga Yéhuda, ngong waé di Daud polig ontongn, wiga Hia ngancéng nggé’id pitu roku situ agu céngka surak hitu.”