2 TIMOTIUS 1:9 - Bahasa Manggarai New Testament

⁹ Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

2 TIMOTIUS 1:9 ပူးပေါင်းရင်းမြစ်များ

MATÉUS 1:21

Hia kudut loas anak ata rona, agu téing le hau ngasangn hi Yésus, ai Hia kudut sambé sanggét ro’éngn oné mai ndékokd.”

LUKAS 10:21

Lété hitu kolé, nakay Mori Yésus oné Nai Nggeluk, mai taén: “Aku wali di’a agu Ité, Ema, Mori de awang agu lino, ai sanggéd situ cehas Lité latang te isét nggalas agu molor, maik tois Lité oné isét koé. Yo Ema, hitus ata henan Lité.

YOHANÉS 17:24

Yo Ema, ngoéng Daku, poro nia kaut mangag Aku, isé kolé manga cama laing agu Akus, isé situt poli téing Lité agu Aku, kudut isé lélo néra Dakus, hitut poli téing Lité agu Aku, ai Ité momang tu’ung Aku, du toéd mangan lino ho’o.

YOHANÉS 17:9

Aku ngaji te isék. Toé latang te lino ho’o ngaji Daku, maik latang te isé situt poli téing oné Akud Lité, ai isé, Dités morid,

YOHANÉS 6:37

Sanggéd taung ata situt téing li Emag oné Aku, te mai oné Akus, agu céing situt mai cé’é Akus, hia toé okéy Laku.

TOMBO PÉTÉ GORI DE RASUL-RASUL 15:18

ata poli pecing du pu’ungn.

TOMBO PÉTÉ GORI DE RASUL-RASUL 2:47

Cang agu naring Mori Keraéngd, isé kembung laings lata. Lété leso Mori Keraéng tambang weki disé oné mai ata situt kudut te tiba selamaks.

ROMA 11:14

Bengkes daku ngancéng pandé jogot nai de wa’u daku Israél wiga ngancéng pandé selamak pisa atan oné mai isé.

ROMA 11:29

Ai Mori Keraéng toé ngancéng emi kolés widang agu bénta Diha.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

ROMA 3:20

Ai toé manga cengatan ata molorn oné ranga de Mori Keraéng le pandé wintuk Taurat, ai landing wintuk Taurat pecing ndékok lata.

ROMA 9:11

Ai du sanggéd anak situ toéd loas agu toéd pecing te pandé di’a ko da’at, kudut ngoéng de Mori Keraéng te wakéy latang te pilé Diha. Toé landing le pandé, maik landing le bénta Diha --

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

1 KORINTUS 1:18

Ai keréba latang te panggol hitu te pandé bapa laing latang te isé situt kudut ampus, maik latang te itét kudut selamak, keréba hitu te toto mberes de Mori Keraéng.

ÉFÉSUS 1:11

Mori Keraéng poli dédék sanggéd caoca lorong ngoéng agu wérét Weki Run. Pu'ung du wangkan, poli pilé ité Liha te ciri ro'engN ai nai ca anggit agu hi Kristus.

ÉFÉSUS 1:9

Lorong ngoéng de weki Run, Mori Keraéng poli si’ang oné ité latang te sanggéd situt pété ceha; lut nanéng agu lilekN. Poli wérétN Liha, nanéngN hitu te ciri jepeky lut hi Yésus Kristus.

ÉFÉSUS 2:5

wiga du rémé mata naid landing le sanggéd lagéng, Hia pandé mosé kolét ité cama-cama agu hi Kristus. Jari, tara selamaks méu, landing le nai di’a de Mori Keraéng.

ÉFÉSUS 3:11

Pandé hitu de Mori Keraéng, lorong nanéngN hitut tédéng lén, ata pandé cai wan le létang di Kristus Yésus Mori dité.

PILIPI 3:14

Itu tara toé ké’étg aku mping kudut haéng ontong du turung cemoln, ngong mosé tédéng lén éta Surga; latang te hitup tara béntad ité le Mori Keraéng lorong hi Kristus Yésus.

TÉSALONIKA 4:7

Mori Keraéng bénta ité toé latang te pandé réngkes, maik latang te pandé nggeluk.

2 TIMOTÉUS 1:1

Oné-mai aku hi Paulus, rasul di Kristus Yésus, lorong perénta de Mori Keraéng Ema. Hi Kristus hitu ata sambé agu bengkes dité.

2 TIMOTIUS 1:1

Oné-mai hi Paulus, rasul di Kristus Yésus ali ngoéng de Mori Keraéng kudut wéro Keréba Di’a latangt mosé oné hi Kristus Yésus.

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

1 PETRUS 1:20

Hi Kristus hitu, poli pilén le Mori Keraéng du toéd dédék lino. Du tiong leso cemol de lino, Hia mai koley kudut méu tiba selamak.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 17:8

Kaka hitut ita le hau, mosé dé’ity danong, maik te ho’on toég mangay. Tiong te tua koléy oné-mai ngampang mata, agu te ampusy. Sanggén ata oné lino, ata toé manga ngasangd oné Buku Data Mosé du pu’ung dédékn tana lino, ciri lengets émé ita kaka hitu, ai danong mosé dé’ity, maik te ho’on toég mangay, landing te tua koléy.