2 TIMOTIUS 1:8 - Bahasa Manggarai New Testament

⁸ Jari néka ritak te saka-si latang te Mori dité, agu néka ritak landing aku ata na’a oné bui landing Hia. Maik lut ta’ong susa latang te Keréba Di’a Diha, ali mberes de Mori Keraéng.

2 TIMOTIUS 1:8 ပူးပေါင်းရင်းမြစ်များ

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

LUKAS 9:26

Ai céing kaut ata ritak landing Aku, agu landing curup Daku, Anak Manusia kolé ritak landing ata hituy, du Hia tai mai agu dirapn, agu oné dirap de Eman, agu sanggéd malékat nggeluk.

YOHANÉS 15:27

Maik méu kolé paka ciri sakasi, ai méu du wangka pu’ung muingm ga cama laing agu Akum.”

YOHANÉS 19:35

Agu ata hitut ita le mata run, ata sakasi laingy, agu tu’ung kéta sakasin hitu, agu pecing liha, te hia curup laing molorn, kudut imbi kolé le méu.

TOMBO PÉTÉ GORI DE RASUL-RASUL 5:41

Rasul-rasul situ pé’ang oné mai sidang de Adak Agama ali nisang naid, ai isé poli naun te ta’ong susa landing le ngasang de Mori Yésus.

ROMA 1:16

Ali toé ritak aku latang te ba Keréba Di’a, ai Keréba Di’a hitu mberes de Mori Keraéng hitut pandé selamak néténg ata situt imbi. Keréba di’a hitu laring cain kéta latang te ata Yahudi agu ata Yunani.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

ROMA 8:36

Ného manga poli tulis: “Landing kaut Hau, ami manga oné copél mata tédéng leso, ami poli rékéng ného sanggéd jimbal siot kudut mbelé.”

ROMA 9:33

ného manga ata poli tulis: “Ata tu’ungn, Aku na’a oné Sion ca watu timpok te pandé pa’u ata, agu céing ata imbi oné Hia, toé manga majan Liha.”

1 KORINTUS 1:6

Hitu dé betuan te keréba latang te hi Kristus poli ndengn oné bahi-réha méu.

2 KORINTUS 6:7

Ami ba keréba molor agu kuasa de Mori Keraéng, ali papé harat de agil latang te rani ko te kambé.

ÉFÉSUS 3:1

Aku hi Paulus, campitn tara oné buig landing hi Kristus Yésus latang te sékék de méu ata toé Yahudi.

ÉFÉSUS 3:13

Latang te hitu, tegi daku oné méu: néka soang laing kélo daku landing méu, ai sanggéd taung kélo daku situ kudut di’a sanggés méu.

ÉFÉSUS 4:1

Aku hi Paulus, ata bui landing keturu Mori Keraéng, toing méu: mosé koém ného taras ata poli pilé le Mori Keraéng.

ÉFÉSUS 4:17

Le ngasang de Morin, aku taé agu si’ang tu’ung oné méu: Néka mosé ného ata siot toé pecing Mori Keraéng agu nuk ata toé manga betuad.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

PILIPI 3:10

Ca kaut ngoéng daku: pecing Hia agu manté kuasaN te to’o kolé, neki ca oné ta’ong susaN agu ce tara ného Hiak oné mataN.

PILIPI 4:13

Sanggéd cao-ca ngancéng tanggongs laku oné Hia ata téing mberes latang te aku.

KOLOSÉ 1:11

Nahé ali kuasa de Mori Keraéng hitut angos ketay, méu mberes te ta'ong kélo oné sanggéd cao-ca ali seber agu lembak,

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

TÉSALONIKA 3:4

Du ami manga cama-cama agu méukm, ami poli taé be bolon te ité kudut ta’ong susa. Susa hitu polig manten le méu ga.

2 TIMOTÉUS 2:6

Mori Yésus hitu poli condo wekiN kudut te sambé sanggén manusia: Hitu saka-si du leso hitut poli wérétn le Mori Keraéng.

2 TIMOTIUS 1:10

Te ho’on widang hitu polig si’angn, ali mai de Mori Sambé dité hi Yésus Kristus. Keréba Di’a hitu poli pandé kodan kuasa de mata agu téing mosé hitut toé ngancéng ampusn.

2 TIMOTIUS 1:12

Hitup tara ta’ongd laku sanggéd susa so’o, maik aku toé ritak; ai pecing tu’ung laku te Hia ata imbi daku. Baé kolé laku te apa ata poli imbid Liha oné aku, ngancéngs liha tinud dengkir agu Cemoln Lino.

2 TIMOTIUS 1:16

Nahé Morin tabing berkak latang te kilo di Onésiforus ata do ngkali lémbu nai dakun. Hia toé ritaky te cumang aku oné bui.

2 TIMOTIUS 2:3

Hau paka lut ta’ong susa, ného serdadu ata di’a di Kristus Yésus.

2 TIMOTIUS 2:8

Nuk di’a-di’a curup ho’o: hi Yésus Kristus hitut to’o kolé oné-mai ata matan, ata poli loas oné-mai waé di Daud, hituy ata ngo wéro daku oné Keréba Di’a daku.

2 TIMOTIUS 2:9

Ai le wéro Keréba Di’a ho’o tara ta’ong susag aku, ngot hena le lampang cama ného ata da’at, maik curup de Mori Keraéng toé ngancéng lampangy.

2 TIMOTIUS 4:17

Du hitu Mori poli loréng aku agu pandé mberes aku, kudut ali létang témba daku, Keréba Di’a hitu, wéro di’a-di’ay, agu sanggén ata toé Yahudi dengé taungs. Ali hitu, aku lego oné-mai mu’u de singa.

2 TIMOTIUS 4:5

Maik hau, kuasa koé wekim oné sanggén cao-ca, ta’ong ga oné susa, ngoh ga te wéro Keréba Di’a agu paka pandé tu’u-tu’ung gori keturum hitu!

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

1 YOHANÉS 4:14

Ami poli ita agu téing saka-si, te hi Ema poli wuat Anakn ciri Ata Sambé de lino.

YUDAS 1:24

Asé-ka’én ata momang laku! Mori Keraéng ata ngancéng sémbéng méu, kudut méu néka timpokm agu dadé méu toé do’éng ndékok bolo-mai rangaN hitut mengit agu nisang nai.

WIDANG SI’ANG ONÉ HI YOHANÉS 1:2

Hi Yohanés tombo sanggéd cao-ca situt poli itad oné uré, ngong tombo de Mori Keraéng ata téing mberesy li Yésus Kristus lut saka-siN.

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”