2 PÉTRUS 2:3 - Bahasa Manggarai New Testament

³ Ali goméngd, sanggéd guru tangké situ tombo joak te kawé ontong oné mai méu. Maik latang te pandé disé situ, béhéng’g poli ambin wahéng agu ampus toé ngancéng renggé kolén.

2 PÉTRUS 2:3 ပူးပေါင်းရင်းမြစ်များ

MATÉUS 23:14

Copél da’at méu, oé ata pecing Taurat agu ata Parisi, oé méut pisik, ai le méus kodéld mbaru data luang, maik méu pandé bapur mata datam le ndar bail ngajis; Itu tara méu itan muing haéng wahéng daing mendon.]

LUKAS 18:8

Aku taé agu méu: Hiat te gélang pandé molor kaut isé. Maik, émé maiy Anak Manusia hitu, di’am manga itan Liha ata imbi oné lino?”

LUKAS 20:20

Sanggéd ata pecing Taurat agu imam kepala léngér mtaung Mori Yésus. Isé wuat atat léngér Hia, situt pisik ného ata nggeluk nai kudut isé ngancéng serénté Hia le can kaut réi, agu buang Hia oné isét nipu taé agu wakél de kaisér.

LUKAS 22:47

Rémé ngai curupn Mori Yésus, cais lawa do, alang ata nungkun hitut ngasangn hi Yudas, cengata oné mai ata nungku situt campulu sua, lako bolo mai iséy. Hi Yudas ngo kamping Mori Yésusy, te omo Hia.

YOHANÉS 2:16

Ngong ata pika tekur jawa curups Liha: “Emi taungs apa so’o cé’é mai ho’od, néka pandé amba laing le méu Mbaru de Ema Daku.”

ROMA 16:18

Ai sanggéd ata nenggitu toé keturu latang te hi Kristus, Mori dité, maik keturu kaut tuka rud. Ali curup ata di’an agu ali curup ata mecikn isé nggopét atas siot lulus naid.

2 KORINTUS 2:17

Ami toé cama agu ata bana situt pika reweng de Mori Keraéng. Maik landing le nai ca anggit agu hi Kristus, ami curup tu’ung kéta ali bakok nai lorong perénta de Mori Keraéng oné ranga Diha.

TÉSALONIKA 2:5

Ai ného hitut baé de méu, ami toé dé’it manga curup te pandé wusak tuka, agu toé manga oné nai dami nuk gomeng – Mori Keraéng ata saka-sin.

TÉSALONIKA 5:3

Émé nggo’o taé data: Sanggén taung hambor agu meler – itu kali isé rodo hena le ampus, cama ného ca iné-wai hiot ata beti kudut loas – toé te toés isé, toé manga mba’éd.

2 TIMOTÉUS 3:3

Hia kolé néka languy, toé gélang rabo; joél kétay kali, ba hambor, agu toé mendi de seng.

2 TIMOTÉUS 3:8

Latang te sanggéd diakon, paka ata hiang latas, néka ata dangka lemad, néka ata langu, néka ata ngomper.

2 TIMOTÉUS 6:5

Og dé mangan pulang tau oné asé-ka’é situt toé nggepuk nukd agu toé ita molor, ai le bet disé manga ontongn oné-mai ngaji hitu.

TITUS 1:11

Sanggéd ata nenggitu paka jera hema kauts, ai isé pandé biké ka’éng kilo data le toing ata toé manga betuad, kudut pala tiba ontong ata toé patun.

TITUS 1:7

Ai ata wintuk mbaru de Mori Keraéng, atat toé manga celan, toé mésé nai, toé heres, toé langu tuak, toé rabo agu toé gomeng,

1 PETRUS 2:8

Hia ciri watu te timpok isé, ai isé toé lorong reweng de Mori Keraéngs. Hitu muing wérétd isé le Mori Keraéng.

1 PETRUS 5:2

Émba koés sanggéd jimbal de Mori Keraéng situt manga oné méu, néka ali mendo nai, maik ali lélak lorong ngoéng de Mori Keraéng. Néka kolé ali nanang te kawé delék, maik te gori keturu mai wa-mai nain.

2 PÉTRUS 1:16

Mori dité hi Yésus Kristus te mai koléy déméng mengitN. Du ba keréba hitu oné méu, toé campit le joak de manusia maik le ita dungka lami mengit Diha.

2 PÉTRUS 2:1

Danong, oné bahi-réha ro’éng de Mori Keraéng manga nabi tangké. Nenggitu kolé te ho’on, oné bahi-réha méu manga guru tangké. Isé ba toing te pandé wéléng agu pandé ampus. Ngot isé te pali hiat Cau Kuasa hitut poli sambé isé. Ali hitu, isé ba ampus latang te weki rud.

2 PÉTRUS 2:9

Jari, Mori Keraéng pecing te cépé sanggéd ata nggeluk oné-mai damang agu na’a sanggéd ata da’at kudut wahéngs du leso beté-bicar.

YUDAS 1:11

Copels dé isé, ai lut salang baté lako di Kain agu cembur nggere-oné salang wéléng di Biléam soho nanang tiba séng. Isé ampus taungs, ai téti rampas ného hi Korah.

YUDAS 1:15

Mai disé kudut bicar sanggén ata agu Mori Keraéng téing wahéng oné sanggéd ata pandé da’at. Morin kolé te wahéngs sanggéd ata ndékok agu ata itang landing le curup loér.”

YUDAS 1:16

Ata situ ngga’ut mtaung agu maja ata. Mosé disé lut kaut belek da’atd. Tombo disé joak latangt weki rud agu adong ata te tiba delek.

YUDAS 1:4

Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

YUDAS 1:7

Cama ného hitu, Sodom agu Gomora agu sanggéd béndar baling maid, ata poli loma ata agu léor belek da’at, poli tanggong wahéng oné api tédéng lén luing langga latang te sanggén ata.