2 PÉTRUS 2:2 - Bahasa Manggarai New Testament

² Dodg ata poli lut mosé de guru tangké situt kuasa le belek da’at. Landing le pandé da’at disé, Salang Molor hitu loéry lata.

2 PÉTRUS 2:2 ပူးပေါင်းရင်းမြစ်များ

MATÉUS 22:16

Isé jera ata nungku disé cama laing agu ata Hérodian kudut réi agu Hia: “Tuang Guru, baé lami Ité ata molor, agu molor kolé toing salang de Mori Keraéng, agu Ité toé manga rantang céing kautd, ai Ité toé manga pilé atad.

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MATÉUS 7:14

ai kéotn para agu salang nggeroné mosé agu cekoé kali atan te haéngn salang hitu.”

MARKUS 12:14

Sanggéd ata situ mais agu réi Hias: “Tuang Guru, pecing lami, Ité cengata ata molor, agu Ité toé manga rantang agu céing kaut, ai Ité toé manga pilé atad, maik laing molor toing salang de Mori Keraéng. Ngancéng ko toé te bajar taki agu Kaisér? Paka bajars lami ko toé?”

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

TOMBO PÉTÉ GORI DE RASUL-RASUL 13:10

agu mai taén: “Oé jing da’at, hau penong kaut le nggopét agu da’at, hau bali de sanggéd molor, toé tara emoh pandé péndot Salang helek de Mori Keraéng?

TOMBO PÉTÉ GORI DE RASUL-RASUL 14:2

Maik ata Yahudi ata toé tiba keréba di’a disé, reku ata toé Yahudi kudut rabos lisé asé-ka’é situt ca imbis.

TOMBO PÉTÉ GORI DE RASUL-RASUL 16:17

Hia lut hi Paulus agu ami be musi main, agu ciékn: “Ata so’o mendi de Mori Keraéng ata Langkas kéta. Isé keréba salang selamak latang te méu.”

TOMBO PÉTÉ GORI DE RASUL-RASUL 18:26

Wangkag hia toing agu toé rantangy oné mbaru ngaji. Maik du dengé li Priskila agu hi Akwila, og dadén lisé nggere-oné mbarud agu mbajik kéta si’ang oné hia Salang de Mori Keraéng.

TOMBO PÉTÉ GORI DE RASUL-RASUL 19:9

Maik manga pisa taus ata teger kid naid. Isé toé gorid te imbi kaut, ngot pocu kali Salang de Mori Keraéng olo mai ranga data do. Landing hitu hi Paulus legong isé kudut cama-cama agu ata nungkun ngo toing ata oné mbaru sekola Tiranus.

TOMBO PÉTÉ GORI DE RASUL-RASUL 22:4

Aku poli pandé kosé ata lorong Salang de Mori Keraéng dengkir agu isé matas. Ata rona agu iné waid dekos laku agu téis laku oné bui.

TOMBO PÉTÉ GORI DE RASUL-RASUL 24:14

Maik tura laku oné ité te aku suju Mori Keraéng empo dami ali lut Salang de Mori Keraéng, ngong Salang ata caro lisé aliran. Aku imbi sanggéd taung situt poli tulis oné wintuk Taurat agu oné Surak de Nabi-nabi.

ROMA 2:24

Cama ného manga tulis: “Ai landing méu kaut tara loér ngasang de Mori Keraéng oné bahi-réha uku bana.”

2 TIMOTÉUS 5:14

Landing hitu ngoéng daku, kudut sanggéd iné-wai luang situt lari uwad, kawing kolés, manga anakd, wintuk kilod wiga ata bali dité toé manga sokor te pandé wau ngasang dité.

TITUS 2:5

nggalas agu nggélok nai, seber te wintuk oné ka’éng kilod, nai di’a, junggu agu ronad, wiga reweng de Mori Keraéng toé loér latay.

TITUS 2:8

molor agu toé manga celad oné kerébam hitu, wiga sanggéd ata balim ciri ritaks, ai toé manga ata da’atd te tombo lisé latang te ité.

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.

2 PÉTRUS 2:12

Maik, guru tangké situ cama ného kaka toé manga utekd, dung kaut latang te deko agu te mbelé. Isé loér apa ata toé pecing lisé, wiga ampus weki rud ného kaka milas le pandé da’atd situ.

2 PÉTRUS 2:15

Isé poli legong salang molor, itu tara wéléngd. Isé lut salang di Biléam, anak di Béor, atat danong nanang kéta te tiba lahé latang te sanggéd pandé da’at.

2 PÉTRUS 2:18

Bo kéta lomés ba wekid, kalim po keréba disé penong joak toé manga icin. Keréba disé penong le wajak da’at kudut emi nai data siot hitu koés di teser oné-mai wéléngd.

2 PÉTRUS 2:21

Landing hitu, céwé di’an isé situ toé dé’it pecing po pecing Salang Molor, maik poli hitu holés kolé oné-mai perénta de Mori Keraéng hitut keréba oné isé.

2 PÉTRUS 2:7

Du hitu, Hia pandé selamak kaut hi Lot ata molor. Hi Lot hitu sereng kéta ta’ong susan le gauk da’at data siot toé pecing adaks agu lorong kaut belek da’atd kanang.

YUDAS 1:10

Maik ata da’at situ loér sanggéd malékat siot toé pecing lisé. Ngot ba wekid ného kaka siot mila,' kunjung pandé da’at koném po pecing lisé. Hituy dé ata pandé ampus isé laing.

YUDAS 1:15

Mai disé kudut bicar sanggén ata agu Mori Keraéng téing wahéng oné sanggéd ata pandé da’at. Morin kolé te wahéngs sanggéd ata ndékok agu ata itang landing le curup loér.”

YUDAS 1:4

Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

YUDAS 1:7

Cama ného hitu, Sodom agu Gomora agu sanggéd béndar baling maid, ata poli loma ata agu léor belek da’at, poli tanggong wahéng oné api tédéng lén luing langga latang te sanggén ata.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 13:14

Hia pandé wéléng isét ka’éng oné lino le tanda lenget hitut sendos te pandé liha bolo-mai ranga de kaka hitut laring cain. Sanggéd isé, jeras liha te hesé ca patung ata taran ného kaka hitut poli réu ali sempilang, maik ngai mosé kin. Patung hitu paka io agu suju lisé.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.