2 PÉTRUS 1:3 - Bahasa Manggarai New Testament

³ Mori Keraéng pu’un kuasa poli tabing latang te ité sanggéd cao-ca ata betua laing kudut mosé nggeluk. Pandé hitu Diha, ai ité pecing hi Kristus hitut poli bénta itén, ali kuasaN hitut mengit agu dio-dolokn.

2 PÉTRUS 1:3 ပူးပေါင်းရင်းမြစ်များ

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

ROMA 8:32

Hia ata toé momang Anak Run, maik téi Liha latang te sanggén taung ité, ngancéng weli Hia toé téi sanggéd cao-ca oné ité kolé?

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

1 KORINTUS 1:9

Mori Keraéng hiot junggu, ata bénta méu kudut neki-ca agu Anak Diha Yésus Kristus, Mori dité.

2 KORINTUS 12:9

Maik walé de Mori Keraéng, “Dod widang Daku latang te hau, ai landing le oné les de hau hitu tara ciri besikn kuasa Daku.” Landing hitu, aku céwé ngoéng bombong rak oné les daku, kudut kuasa di Kristus wa’u te sémbéng akuy.

ÉFÉSUS 4:1

Aku hi Paulus, ata bui landing keturu Mori Keraéng, toing méu: mosé koém ného taras ata poli pilé le Mori Keraéng.

ÉFÉSUS 4:4

Hanang ca kanangy kali weki agu ca kanangy kali Nai Nggeluk, nenggitu kolé méu tara pilés, kudut ca kauty kali bengkes.

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

PILIPI 4:8

Jari, cemoln ga asé-ka’én, nuk koé taungs le méu sanggéd taung ata molord, ata mengitd, ata agild, ata nggelukd, ata di’ad te séngét agu sanggéd siot carod basa-di’a agu naun te narings.

KOLOSÉ 1:16

Ai létang Hiay poli dédék sanggéd cao-ca ata manga éta Surga agu oné lino, ata ita le matad agu ata toé ita le matad, seriga ko tana perénta de raja, pemerénta ko ata cau kuasa, sanggén cao-ca dédék ali Hi Krsitus agu latang te Hia.

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

TÉSALONIKA 4:7

Mori Keraéng bénta ité toé latang te pandé réngkes, maik latang te pandé nggeluk.

2 TÉSALONIKA 2:14

Latang te hitu Hia poli bénta méu lut Keréba Di’a hitut wéro dami, wiga méu ngancéng tiba mengit di Yésus Kristus, Mori dité.

2 TIMOTÉUS 4:8

Nungku te rai weki manga dopon ai cekoéy kali lahén, maik nungku te racang rak-rai ati do kéta betuan, ai mésé lahén latang mosé te ho’on agu latang te mosé tai.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

1 PETRUS 1:15

Maik poro mosé de méu kali ciri nggeluk, ai nggelukN Mori Keraéng hitut poli bénta méun.

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

1 PETRUS 2:21

Ali hitu tara béntas méu le Mori Keraéng, ai hi Kristus kolé poli ta’ong susa latang te méu agu poli reding tomingN, kudut méu lut lé’é Diham.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 PETRUS 3:9

Néka léko pandé da’at ali pandé da’at, ko tida ali tida. Maik, poro léko le tegi berkak de Mori Keraéng, ai latang te hitu muing méu tara pilés, te tiba berkak oné-mai Hia. Ai manga tulis oné surak nggeluk:

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

2 PÉTRUS 1:10

Asé-ka’én, landing hitu mping koé wuli wekis, kudut tambang kéta galan rang de méu, ai méu ata poli bénta agu pilé le Mori Keraéng. Émé pandé le méu situ, toé manga wéléng mosés.

2 PÉTRUS 1:2

Tabing agu hambor-libur penong oné méu landing le pecing Mori Keraéng agu te hi Yésus, Mori dité.

2 PÉTRUS 1:5

Landing hitu, méu paka tu’ung-tu’ung kéta gejur te jemut imbis le bese-di’a agu tambang bese-di’a hitu le pecing Mori Keraéng.

2 PÉTRUS 1:6

Jemutn pecing Mori Keraéng hitu le kuasa weki, jemutn kuasa weki le gepek, jemutn gepek le mosé nggeluk.

2 PÉTRUS 1:8

Émé sanggéd taung gauk di’a situ manga do kétas oné méu, toét-toé méu ciri seber agu cir lahé oné pecing hi Yésus Kristus, Mori dité.

2 PÉTRUS 2:20

Ata poli imbi Morin agu Ata Sambé dité hi Yésus Kristus, poli oké sanggéd réngkes de lino ho’o. Maik, émé musi main were-watas kolé oné sanggéd réngkes situ, cemoln ga taran mosé disé céwé da’at oné-mai hitut laring cain.

2 PÉTRUS 3:18

Ciri tu’a koém ga oné tabing agu imbi hi Yésus Kristus, Mori agu Ata sambé dité. Latang te Hia dé mengit, te ho’on agu tédéng lén.