2 KORINTUS 7:8 - Bahasa Manggarai New Testament

⁸ Jari, koném po aku poli pandé wéong nai de méu ali surak daku hitu olo, maik toé manga mendo nai laingn laku. Bo tu’ung olo mendo naig aku, ai ita laku te surak hitu pandé wéong nai de méu, koném po latang te dokong kaut.

2 KORINTUS 7:8 ပူးပေါင်းရင်းမြစ်များ

WIDANG SI’ANG ONÉ HI YOHANÉS 3:19

Céing ata momangn Laku, hia rondong agu boboly Laku. Landing hitu, wingker agu teser koém ga!

2 KORINTUS 7:11

Ai pélét di’a-di’a, apa cirn latang te méu wéong nai hitut lorong ngoéng de Mori Keraéng. Méu pandé si’angn mbolot, jogot te pandé ndékok, rantang te pandé sala; méu ciri ata kembung, semengak, agu wahéng ata sala! Oné sanggéd taung mbolot situ, poli toton le méu, te méu toé manga salas.

2 KORINTUS 7:6

Maik Mori Keraéng hitut pandé lémbu ata jinggop, poli pandé lémbu ami ali mai di Titus.

YOHANÉS 21:17

Mai kolé taé de Mori Yésus te telu ngkalin: “Simon, anak di Yohanés, asa hau momang Akuh ko?” Wéong kéta nai di Pétrus, ai telu ngkali bailn Mori Yésus taé hitut: “Asa hau, momang Akuh ko?” Agu maig taén ngong Hia: “Mori, pecing taung Lité sanggé-ménan, pecing Lité te aku momang Ité.” Mai taé de Mori Yésus ngong hia: “Lami koés jimbal Daku.”

YOHANÉS 16:6

Maik le taé Laku sanggéd situ agu méu, itu tara wéong nais.

2 KORINTUS 7:7

Toé hanang ali cai diha, maik ali lémbu hitut tiba diha oné-mai bahi-réha méu. Ai hia poli tombo taung agu ami, latang te kembung de méu, gesar de méu, semengak de méu latang te kambé aku, wiga tambang kéta nisangn nai daku.

2 KORINTUS 7:9

Maik te ho’on ga, nisang kéta nai daku ali méu poli wéong nai, maik ali wéong nai de méu hitu te pandé teser méu. Ai wéong nai hitu lorong baté ngoéng de Mori Keraéng, wiga toé manga rowak méun landing ami.

2 KORINTUS 7:12

Landing hitu, émé aku poli tulis surak hitu oné méu toé ali ata pandé sala, toé kolé ali ata kélo pandé sala. Maik oné ranga de Mori Keraéng, noing le weki rus méu, co’o kéta mésén wintuk de méu latang te ami.