2 KORINTUS 13:9 - Bahasa Manggarai New Testament

⁹ Ai nakak ami, émé lesg ami maik méu mberes. Agu ho’oy ngaji dami, kudut méu ciri besikm.

2 KORINTUS 13:9 ပူးပေါင်းရင်းမြစ်များ

2 KORINTUS 13:11

Cemoln ga asé-ka’é daku, nakam ga, wuli koé wekis kudut te ciri besik. Tiba koés sanggéd toing daku! Poro ca nai agu ca nuk koé méu, agu mosé ga oné hambor-libur, wiga Mori Keraéng pu’un momang agu hambor-libur te loréng méuy.

1 KORINTUS 4:10

Ami ciri bodok ali imbi oné Kristus, maik méu ciri nggalas ali imbi oné hi Kristus. Ami les, maik méu mberes. Méu mengitm, maik ami ciri ata bocik.

TÉSALONIKA 3:10

Wié-leso ami ngaji tu’ung-tu’ung, kudut ité ngancéng cumang dungka agu pandé tambang jepek kolé imbi de méu.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

IBRANI 12:23

Méu lut ca impung ata ramé kéta, ngong nekek weki de sanggéd anak ngaso de Mori Keraéng ata manga ngasangd éta Surga. Méu mai kamping Mori Keraéng hitut beté-bicar sanggén ata. Méu mai kamping sanggéd ata nggeluk situt poli pandé besikd.

IBRANI 6:1

Landing hitu, mait ga, ledong musis raja pu’u situ te nggere-olo oné bekad toing ata céwé penong latang te hi Kristus. Ité kali ga, néka pu’ung kolé toing raja pu’u so’o: sanggéd pandé siot toé manga betuad, latang te imbi oné Mori Keraéng,

2 TIMOTIUS 3:17

Ali hitu nété-néténg manusia paéng de Morin, pandé jemut latang te sanggéd pandé di’a.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

2 KORINTUS 11:30

Émé aku paka bombong rak, aku te bombong rak oné les daku.

2 KORINTUS 7:1

Asé ka’én ata momang laku! Ai te ho’on ité paéng reké hitu. Mait ga ité pandé nggeluk weki dité oné mai sanggéd rengkes de weki agu wakar. Ali hitu kolé pandé jepek nggeluk dité oné hiang Mori Keraéng.

ROMA 15:2

Néténg ata oné mai ité paka kawé di’a de cama haé atad, kudut tambang di’an latang te pandé maju.

1 KORINTUS 1:10

Asé-ka’én, aku toing méu le ngasang de Mori dité Yésus Kristus, kudut méu ca nai-ca nukm, agu néka manga biké oné méu, maik poro méu kali paka nai ca anggit, tuka ca léléngm.

1 KORINTUS 2:3

Du ka’éng oné beréha méu, aku déméng les’g, rantang agu jejer’k.

2 KORINTUS 13:4

Bo du pépék oné panggol lesN Hia, maik te ho’on ga Hia mosé koléy ali kuasa de Mori Keraéng. Bo tu’ung ami les oné nai ca anggit agu Hia, maik ami nai ca anggit agu Hia landing kuasa de Mori Keraéng latang te méu.

2 KORINTUS 4:12

Ali hitu, koném po mata hitu menteng kin oné weki dami, maik mosé hitu menteng kin oné méu.