1 YOHANÉS 5:9 - Bahasa Manggarai New Testament

⁹ Tibas lité saka-si de manusia, maik saka-si de Mori Keraéng céwé mberes. Hituy dé saka-si de Mori Keraéng latang te AnakN.

1 YOHANÉS 5:9 ပူးပေါင်းရင်းမြစ်များ

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

YOHANÉS 10:38

maik émé pandés Laku, agu méu toé imbi Akum, tamat imbis kali gori situ, kudut méu ngancéng pecing agu haéng pa’éld te Hia Ema manga oné Akuy agu Aku oné Hia Emak.”

YOHANÉS 5:39

Bo kali seber tu’ungs méu te bacang Surak Nggeluk, ai bet de méu, le bacang Surak Nggeluk situ haéng le méu mosé tédéng lén. Musuk Surak Nggeluk situ téing sakasi latang té Aku,

TOMBO PÉTÉ GORI DE RASUL-RASUL 17:31

Ai Hia poli wérét ca leso kudut bicar lino le cengata ata poli tétin Liha. Agu kudut imbin le sanggén ata, Mori Keraéng poli pandé mosé kolé ata hitu oné mai ata matan!”

TOMBO PÉTÉ GORI DE RASUL-RASUL 5:32

Ami ho’o ata saka-sin sanggéd taung situ, ami agu Nai Nggeluk, ata widang le Mori Keraéng latang te sanggén ata situt lorong Hia.”

IBRANI 2:4

Mori Keraéng kolé pandé ndeng saka-si disé ali sanggéd tanda lenget, ali dod si’ang kuasa agu widang de Nai Nggeluk ata pati-péars Liha lorong ngoéngN.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

1 YOHANÉS 5:10

Céing ata imbi Anak de Mori Keraéng, paéng liha saka-si hitu oné nain. Maik céing ata toé imbi Mori Keraéng, rékéngn lata hitu te Mori Keraéng ata nggopéty, ai ata hitu toé imbi saka-si de Mori Keraéng latang te AnakN.

1 YOHANÉS 5:8

Agu manga telud ata téing saka-si oné lino): Nai Nggeluk, waé agu dara, telu situ léléng cas kali.