1 YOHANÉS 4:2 - Bahasa Manggarai New Testament

² Nenggo’oy kudut pecing le méu Nai Nggeluk de Mori Keraéng: atat taé te hi Yésus Kristus mai oné lino agu ciri manusiay, hia hitu dé ata paéng Nai Nggeluk hitut widang de Mori Keraéng.

1 YOHANÉS 4:2 ပူးပေါင်းရင်းမြစ်များ

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

1 KORINTUS 12:3

Landing hitu, méu paka pecing te atat titong le Nai Nggeluk toé ngancéng taé: “Lésu hi Kristus hitu!” Nenggitu kolé toé manga cengatan ngancéng taé: “Hi Yésus hitu Mori Keraéngy,” émé ata hitu toé titong le Nai Nggeluk.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

1 YOHANÉS 1:2

Mosé hitu polig nesan, agu polig itan lami. Te ho’on ga, ami téing saka-si agu keréba mosé tédéng lén hitu oné méu. Mosé hitu, manga cama-cama agu hi Ema agu poli si’angn oné ami.

1 YOHANÉS 2:23

Ai céing ata pali hi Anak, hia kolé toé imbi Ema. Maik céing ata tiba hi Anak, hia kolé imbi hi Ema.

1 YOHANÉS 4:15

Céing ata imbi Mori Yésus hitu Anak de Mori Keraéng, Mori Keraéng nai ca anggit kin agu ata hitu, nenggitu kolé hia tuka ca léléng kin agu Mori Keraéng.

1 YOHANÉS 4:3

Maik céing ata toé imbi hi Yésus Kristus, hia toé paéng Nai Nggeluk hitut widang de Mori Keraéng. Hia hitu paéng nai data bali di Kristusy. Danong poli dengén le méu te nai data bali hitu kudut maiy, ngot te ho’on ga polig mangan oné lino.

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.